काठमाडौं, कात्तिक ५
मकवानपुर प्रहरीले फरार जबरजस्ती करणी प्रतिवादी विजय तामाङलाई पक्राउ गरेको छ।
३१ असोजमा हेटौँडा उपमहानगरपालिका–१० बसपार्कबाट जुवातास खेलिरहेको अवस्थामा विजय तामाङ पक्राउ परेका हुन्।
तामाङमाथि जिल्ला अदालत सिन्धुपाल्चोकले २०७४ साउन ११ गते १० वर्ष कैदको फैसला गरेको थियो।
उहाँ १० वर्षदेखि फरार थिए र प्रहरीले खोजतलास गर्दै आइरहेको थियो।
त्यसै गरी प्रहरीले मकवानपुर बागमती गाउँपालिका–५ बस्ने राजेश दर्नाल (हेमन्त परियार) लाई पनि पक्राउ गरेको छ।
परियारमाथि चोरी र डाँका मुद्दामा पाँच वटा फरक मुद्दा चलिरहेका थिए।
उनी पक्राउ परेको जिल्ला प्रहरी कार्यालय मकवानपुरले जनाएको छ।
जुवातास खेलिरहेको अवस्थामा प्रहरीले ११ बुक तास र ६ लाख ६ हजार ३१० रुपैयाँ नगद सहित ११ जनालाई पक्राउ गरेको छ।
जुवा सम्बन्धी कसुरमा अनुसन्धान भइरहेको छ।
सिआरएस चेकजाँच गर्दा तामाङ र परियार फरार रहेका अपराधी भएको पुष्टि भएको छ।
प्रहरी नायब उपरीक्षक पुष्कर बोगटीले घटनाको पुष्टि गर्दै यसबारे थप अनुसन्धान जारी रहेको जानकारी दिनुभयो।
