काठमाडौं । काठमाडौँ महानगरपालिकाको वातावरण व्यवस्थापन विभागले खुला ठाउँमा प्लाष्टिक, प्लाष्टिकजन्य वस्तु र फोहर बाल्न कडाइका साथ रोक लगाएको जनाएको छ। नियम उल्लङ्घन गरी यस्ता वस्तु बाल्ने व्यक्तिलाई प्रत्येकपटक १० हजार रूपैयाँसम्म जरिवाना गरिनेछ।
चिसो बढेसँगै फोहर, प्लाष्टिक र अन्य वस्तु खुला ठाउँमा बाल्ने क्रम बढेपछि यो निर्णय गरिएको हो। जाडो महिनामा काठमाडौँ उपत्यकाको वायु प्रदूषणको स्तर अत्यधिक बढ्ने भएकाले यस कदमले प्रदूषण नियन्त्रणमा सहयोग पुग्ने अपेक्षा गरिएको छ।
विभागकी प्रमुख सरिता राईका अनुसार, जनस्वास्थ्य र वातावरणमा पर्ने प्रतिकूल असर घटाउन महानगरले यस्तो प्रतिबन्ध लागू गरेको हो। “वायु प्रदूषणले बालबालिका, जेष्ठ नागरिक, दम–खोकीका बिरामी र मुटु तथा दीर्घ रोगीहरूलाई बढी असर गर्छ,” उहाँले बताउनुभयो, “त्यसैले सबैले खुला ठाउँमा वस्तु बालेर धुँवा उत्सर्जन गर्ने काम तत्काल बन्द गर्नुपर्छ।”
राईका अनुसार, यो प्रतिबन्धको अवज्ञा गर्ने व्यक्तिमाथि काठमाडौँ महानगरपालिका वातावरण तथा प्राकृतिक स्रोत संरक्षण ऐन, २०७७ र आर्थिक ऐन, २०८२ बमोजिम कारबाही हुनेछ। उहाँले थप भन्नुभयो, “सहरबासीको स्वास्थ्य र वातावरण जोगाउन महानगरले लिएको यो निर्णयमा सबैले साथ दिनुपर्छ
