काठमाडौं । प्रहरी कार्यालय चन्द्रनिगाहपुर, रौतहटले ट्रामाडोल सहित दुई जनालाई नियन्त्रणमा लिएको छ । आइतबार साँझ ५ बजेको समयमा रौतहट चन्द्रपुर नगरपालिका –४ स्थित पूर्व, पश्चिम लोक मार्गस्थित ट्राफिक चेकपईन्टमा खटिएको चेकिङ टोलीले पश्चिमबाट पूर्वतर्फ आउँदै गरेको म.प्र. ०३२ ०२५ प ९७२१ नं.को स्कुटर चेकजाचको क्रममा एक सय तीस पिस ट्रामाडोल सहित दुई जनालाई नियन्त्रणमा लिइएको इलाका प्रहरी कार्यालय चन्द्रनिगाहपुरका प्रहरी नायब उपरीक्षक रुपा लाबुङ्गले बताउनुभयो ।
पक्राउ पर्नेमा सर्लाही लालबन्दी नगरपालिका–१६ तामाङटोल बस्ने हेमबहादुर वाइवाको २७ वर्षीय छोरा बुद्ध सिंह वाइवा र सर्लाही हरिवन नगरपालिका –३ श्रीपुर बस्ने भिमबहादुर योञ्जन को २४ वर्षीय छोरा शरिन योञ्जन रहेको उहाँले जानकारी दिनुभयो । स्कुटरको हेन्डेलमा रेनकोटको झोलामा ट्रामाडोल लुकाइछिपाई ल्याउँदै गरेको अवस्थामा पक्राउ परेका दुवै जनामाथि आवश्यक अनुसन्धान भइरहेको इलाका प्रहरी कार्यालय चन्द्रनिगाहपुरले जनाएको छ । गोरखापत्र
