काठमाडौं । शान्ति–सुरक्षामा असर पार्ने गरी भड्काउ अभिव्यक्ति दिएको अभियोगमा प्रहरीले मेडिकल व्यवसायी दुर्गा प्रसाईलाई पक्राउ गरेको छ। काठमाडौँ उपत्यका प्रहरी कार्यालयका निमित्त प्रमुख, प्रहरी नायब महानिरीक्षक ओमप्रकाश अधिकारीका अनुसार समाजलाई उत्तेजित गर्ने खालका अभिव्यक्ति दिएको विषयमा सोधपुछ गर्न प्रसाईलाई नियन्त्रणमा लिइएको हो।
पक्राउ परेका प्रसाईलाई काठमाडौँ प्रहरी परिषद् भद्रकालीमा राखिएको छ। उनी यसअघि पनि विवादास्पद तथा उत्तेजनापूर्ण अभिव्यक्ति दिएकै कारण पटक–पटक पक्राउमा परिरहेका थिए।
