काठमाडौं । बढ्दो माग र अन्तर्राष्ट्रिय बजारमा मूल्य उकासिँदा आज स्थानीय बजारमा सुन र चाँदी दुवैको भाउमा वृद्धि देखिएको छ । नेपाल सुनचाँदी व्यवसायी महासङ्घका अनुसार आज छापावाला सुनको मूल्य तोलामा रु २,४४,६०० पुगेको छ । शुक्रबार तोलामा रु २,४१,७०० मा कारोबार भएको सुन आज तीन हजार रुपैयाँ बढीमा किनबेच भइरहेको हो।
चाँदीको मूल्य पनि उक्लिएको छ । शुक्रबार प्रतितोला रु ३,१०० मा कारोबार भएको चाँदी आज बढेर रु ३,१३५ पुगेको महासङ्घले जनाएको छ । अन्तर्राष्ट्रिय सूचनास्रोतका अनुसार विश्व बजारमा आज एक औँस सुनको मूल्य ४,०६३ अमेरिकी डलर र चाँदी ५१ डलरमा कारोबार भइरहेको छ।
