काठमाडौं । राष्ट्रिय स्वतन्त्र पार्टी (रास्वपा) ले सुनसरीको चार वटै निर्वाचन क्षेत्रबाट मङ्गलबार दिउँसो १ बजे मनोनय दर्ता गराउने भएको छ । पार्टीका जिल्ला कार्यवाहक सभापति सागर दाहालले जिल्लाका चारवटै निर्वाचन क्षेत्रमा आफुहरुको उम्मेदवार मनोनय दर्ता गर्ने तयारी भएको जानकारी दिनुभयो । साथै सुनसरी निर्वाचन क्षेत्र नम्बर १ बाट शरिन तामाङ, निर्वाचन क्षेत्र नम्बर २ बाट लाल विक्रम थापा, निर्वाचन क्षेत्र नम्बर ३ बाट अशोक कुमार चौधरी र निर्वाचन क्षेत्र नम्बर ४ बाट दिपककुमार साहले मनोनय दर्ता गराउनुहुदै छ ।
क्षेत्र २ का उम्मेदवार थापाले विगतको सिन्डिकेटलाई चिर्दै, सुशासन, समृद्धि र नागरिकको सर्वोच्चता स्थापित गर्न रास्वपाको तर्फबाट यस पटकको प्रतिनिधि सभा निर्वाचनका लागि आफ्नो उम्मेदवारी दर्ता गर्न लागेको बताउनुभयो । गोरखापत्र
