मोरङमा दुई दिन नागरिकता वितरण नहुने

Published on

काठमाडौं । जिल्ला प्रशासन कार्यालय मोरङले बिहीबारबाट दुई दिन नागरिकता वितरण नगर्ने भएको छ । आगामी प्रतिनिधि सभा सदस्य निर्वाचन, २०८२ का लागि कर्मचारीहरू निर्वाचनसम्बन्धी तालिममा खटिनुपर्ने भएकाले जिल्ला प्रशासन कार्यालय मोरङको नागरिकतासम्बन्धी सेवा दुई दिनका लागि बन्द हुने भएको हो । जिल्ला प्रशासन कार्यालय मोरङले एक सूचना जारी गर्दै फागुन १४ र १५ गते नागरिकता शाखाका सेवाहरू स्थगन गरिएको जानकारी दिएको हो । कार्यालयका अनुसार २०८२ साल फागुन १४ देखि फागुन १५ गतेसम्म नयाँ नागरिकता शाखा तथा प्रतिलिपि नागरिकता शाखाबाट प्रवाह हुने सम्पूर्ण सेवाहरू बन्द रहने छन् ।

निर्वाचन सम्पन्न गर्नका लागि कर्मचारी खटनपटन भइसकेको र निर्वाचनमा खटिने कर्मचारीहरूले अनिवार्य रूपमा तालिम लिनुपर्ने व्यवस्था भएकाले सेवा प्रवाह रोक्नुपरेको प्रशासनले जनाएको छ । सहायक प्रमुख जिल्ला अधिकारी सरोज कोइरालाद्वारा हस्ताक्षरित सूचनामा भनिएको छ, “निर्वाचनसम्बन्धी तालिम लिनुपर्ने व्यवस्था भएकोले यस कार्यालयको नयाँ नागरिकता शाखा तथा प्रतिलिपि नागरिकता शाखाबाट प्रवाह हुने सेवा बन्द हुने बेहोरा जानकारीका लागि यो सूचना प्रकाशन गरिएको छ ।”

प्रशासनले सेवा बन्द हुँदा सेवाग्राहीलाई पर्न जाने असुविधाप्रति क्षमाप्रार्थी रहेको समेत जनाएको छ । फागुन १६ गतेदेखि भने नागरिकता सम्बन्धी सेवाहरू पुनः सुचारु हुने छन् । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...