सबैभन्दा नयाँ र परिमार्जित पार्टी कांग्रेस नै हो : प्रदेश सभापति पुन

Published on

काठमाडौं । नेपाली कांग्रेसका लुम्बिनी प्रदेश सभापति अमरसिंह पुनले अहिलेका लागि सबैभन्दा नयाँ र परिमार्जित दल नेपाली कांग्रेसनै भएको दावी गर्नुभएको छ । बाँके क्षेत्र नम्बर ३ का प्रतिनिधिसभा सदस्यका उम्मेदवार समेत रहनुभएका नेपाली कांग्रेस लुम्बिनी प्रदेशका सभापति पुनले कुन पार्टी नयाँ, कुन पार्टी पुरानो र कुन पार्टी सही तथा कुन पार्टी गलत भनेर छुट्याईदिने काम फागुन २१ गते मतदाताले गर्ने बताउनुभयो । बाँके बैजनाथ गाउँपालिका वडा नम्बर ४ बानियाभारमा आयोजित चुनावी सभालाई सम्बोधन गर्दै उहाँले राजनीतिक दलहरुलाई मुल्यांकन गर्ने काम जनताले निश्पक्ष रुपले गर्नुपर्ने समय आएको बताउनुभयो । 

कांग्रेस लुम्बिनी प्रदेश सभापति पुनले भन्नुभयो–‘कुन पार्टी सही, कुन पार्टी गलत भनेर यहाँहरुले नै छुट्याई दिनुपर्यो, नेपाली कांग्रेस पार्टी इतिहासमा रैतीबाट नागरिक बनाउने पार्टी हो, हरेक परिवर्तनमा नेतृत्व गरेको पार्टी नै कांग्रेस हो ।’ उहाँले गत भदौ २३ र २४ गतेको जेनजी आन्दोलनपछि कांग्रेसको नीति र विधिमाथी धेरै प्रश्न उठेपछि आफूहरुले पार्टीभित्रै अन्तर संघर्ष गरेर नयाँ तथा युवा नेतृत्वसहित जनतामा आएको बताउनुभयो । 

नेता पुनले थप्नुभयो, ‘कांग्रेस पार्टीमा अहिले नयाँ र धेरै युवाहरुलाई अगाडी सारिएको छ, पुरानो अनुभव, नयाँ सोच र नयाँ नीतिका साथ हामी नयाँ ढंगले आएका छौं, यो देशमा कोही नयाँ छ त कांग्रेस पार्टी मात्र छ ।’ सो अवसरमा नेपाली कांग्रेसकी नेतृ एवम् महाधिवेशन प्रतिनिधि कमला हमालले देशका लागि सबैभन्दा बढी संघर्ष र बलिदान दिने काम कांग्रेसले मात्रै गरेको दावी गर्दै अहिलेको संकटको अवस्थामा फेरी पनि कांग्रेसकै नेतृतव देशलाई आवश्यक परेको बताउनुभयो ।निर्वाचनको मिति आउन तीन दिन मात्र बाँकी रहँदा बाँके क्षेत्र नम्बर ३ मा सबै उम्मेदवारले मतदाता भेटघाट, घरदैलो र चुनावी कोणसभाहरुमा तिव्रता दिएका छन् । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...