सरकारले लामो समयदेखि छाप्न बाँकी रहेका २७ लाख स्मार्ट सवारीचालक अनुमतिपत्र (लाइसेन्स) तीन महिनाभित्र छापिसकेको छ। यससँगै प्रिन्ट लाइसेन्सका लागि वर्षौं कुर्नुपर्ने समस्या अन्त्य भएको छ।
सुरक्षण मुद्रण केन्द्रका अनुसार अब पुराना सबै बाँकी लाइसेन्स छापिसकिएको छ र नियमित रूपमा नयाँ लाइसेन्स मात्र छापिनेछ। दैनिक करिब ३ हजारदेखि ५ हजार लाइसेन्स २४ घण्टाभित्र छापेर यातायात व्यवस्था विभागलाई उपलब्ध गराइँदै आएको छ।
नयाँ लाइसेन्समा चिप्सको सट्टा क्युआर (QR) कोड प्रयोग गरिएको छ। सरकारले अब नागरिकता, राष्ट्रिय परिचयपत्रलगायत अन्य सुरक्षण मुद्रण सामग्री पनि स्वदेशमै उत्पादन गर्ने तयारी गरेको जनाएको छ।
