महेन्द्रनगर । कञ्चनपुरको भीमदत्त नगरपालिका वडा नम्बर ८ द्धारा अपाङ्ग नागरिक ह्वीलचियर लगायतका सामग्री वितरण गरिएको छ । वडाध्यक्ष मदन राज मिश्रका अनुसार वडाका विभिन्न शारिरीक रुपले अशक्त नागरिकलाई वडा कार्यालयले सहयोग स्वरुप ह्वीलचियर लगायतका सामग्री वितरण गरिएको हो ।
वडा कार्यालयले एक कार्यक्रमका बिच वडाका विभिन्न ७ जनालाई ह्वीलचियर लगायतका सामग्री वितरण गरिएको वडाध्यक्ष मिश्रले बताए । उनका अनुसार ४ जनालाई ह्वीलचियर २ जनालाई बैशाखी र १ जनालाई वाकर वडा कार्यालयले सहयोग गरेको हो । आफ्नो चुनावी प्रतिवद्धतालाई अनुशरण गर्दै सहयोग गरिएको र आउँदो दिनमा पनि वडाका विभिन्न अशक्त अपाङ्ग नागरिकलाई वडाले सधैँ सहयोग गर्ने समेत वडाध्यक्ष मिश्रले बताए ।
