गन्धर्वको पहिचान संरक्षण गरिने

Published on

काठमाडौं । कोशी प्रदेशका मुख्यमन्त्री केदार कार्कीले गन्धर्व जातिको पहिचान संरक्षण गर्दै उनीहरूको विकास गरिने बताउनुभएको छ । उहाँले गन्धर्वहरूको मौलिक संस्कृति र पहिचान लोपोन्मुख अवस्थामा पुग्न लागेको भन्दै यसको संरक्षणको दायित्व प्रदेश सरकारले लिने प्रतिबद्धता पनि व्यक्त गर्नुभयो ।

झापाको कचनकबल गाउँपालिका–२ स्थित गन्धर्व बस्ती पुगेका मुख्यमन्त्रीले सोमबार यस्तो प्रतिबद्धता व्यक्त गर्नुभएको हो । उहाँले भन्नुभयो, “कोशी प्रदेश सरकार सबैको पहिचानलाई सम्मान गर्छ र पहिचानको संरक्षणमा प्रतिबद्ध छ ।” सो अवसरमा गन्धर्वहरूले आफ्ना पीडा मुख्यमन्त्री कार्कीलाई सुनाएका थिए । मुख्यमन्त्री कार्कीले सामाजिक विभेद अन्त्य गर्न सबैको भूमिका महत्वपूर्ण हुने भन्दै स्थानीयको समस्या र दैनिकी बुझ्न आफैँ गन्धर्व बस्तीमा खाना खाने र बस्ने गरी आएको स्पष्ट पार्नुभयो । उहाँ सोमबार शिव गन्धर्वको घरमा खाना खाएर बास बस्नुभएको हो ।

कचनकबल गाविस–२ मा पर्ने सुकुनाडिगी र आदर्श टोलमा ४८ परिवार गन्धर्व बसोबास गर्ने गरेका छन् । तीमध्ये अधिकांश परिवारको पेट पाल्ने माध्यम सारङ्गी बजाउनु रहेको छ । दिनभर झापाका विभिन्न चोकबजार गएर सारङ्गी बजाई श्रोताले खुसीले दिएको पैसाबाट उनीहरूले पेट पाल्दै आएका छन् । मुख्यमन्त्री कार्कीले मङ्गलबार बिहान गन्धर्व बस्तीबाट फर्कंदा हुलाकी मार्ग तथा आसपासका विभिन्न विकास योजना तथा झापाको कनकाई खोलामा वर्षौंदेखि अलपत्र निर्माणाधीन कनकाई पुलको स्थलगत निरीक्षण पनि गर्नुभयो । उहाँलाई गौरीगन्ज गाउँपालिकाका अध्यक्ष फूलवती राजवंशीले कनकाईमा पुल नबन्दा भएका कठिनाइका विषयमा जानकारी गराउनुभएको थियो । गोरखापत्र

spot_img

ताजा समाचार

प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान

काठमाडौँ - प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान गर्नुभएको छ।...

गल्कोट घुम्टे सहकारीको नयाँ सञ्चालक समिति निर्विरोध चयन, वित्तीय अवस्था सार्वजनिक

काठमाडौं – काठमाडौंको शंखमूल, नयाँबानेश्वरमा मुख्य कार्यालय रहेको गल्कोट घुम्टे बहुउद्देश्यीय सहकारी संस्था लिमिटेडको...

गल्कोट घुम्टे सहकारीद्वारा उपहार खबरका सञ्चालक तथा प्रधान सम्पादक रामदत्त मिश्र सम्मानित

काठमाडौं – गल्कोट घुम्टे बहुउद्देश्यीय सहकारी संस्था लिमिटेडले उपहार खबरका सञ्चालक तथा प्रधान सम्पादकलाई...

प्रधानमन्त्री बालेन आज भारतको राजकीय भ्रमणमा जाँदै, ३४ सदस्यीय टोलीको नेतृत्व गर्ने

काठमाडौं -प्रधानमन्त्री बालेन शाह आज भारतको राजकीय भ्रमणमा जाँदै हुनुहुन्छ । उहाँ ३४ सदस्यीय...