विशेषमा मुद्दा फर्स्योट तीव्र

Published on

काठमाडौं । विशेष अदालतले मुद्दा फर्स्योटमा ऐतिहासिक रेकर्ड कायम गरेको छ । विशेषले दर्ता अनुपातमा पहिलो पटक मुद्दा सङ्ख्या तीव्र रूपमा घटाएको छ । जेठ २० गते यता १०४ थान मुद्दा मात्र अब विशेषमा विचाराधीन छन् ।

विशेष अदालतमा दायर मुद्दा छ महिनाभित्र फर्स्योट गर्नुपर्ने कानुनी व्यवस्था छ । कानुनले तोकेको समयसीमाभित्र मुद्दा सक्ने लक्ष्य पछिल्लो समय अदालतले लिएको छ । इजलास व्यवस्थापन र म्याद तामेललगायतका प्रशासनिक काममा अदालतले दिएको तदारुकताले मुद्दा फस्र्योटमा शीघ्रता आएको हो । अहिले विशेषले सकेसम्म उपत्यकाका हकमा आफैँले म्याद तामेलको नीति लिएको छ । यस्तै उपत्यकाबाहिर पनि नियमित अनुगमन गरिरहेको विशेष अदालतका सूचना अधिकारी यज्ञराज रेग्मीले बताउनुभयो । रेग्मीले भन्नुभयो, “मुद्दामा अङ्ग पुग्यो भने फैसला छिटो हुने हो । प्रतिवादी हाजिर हुने अवस्था (उपस्थिति) ले पनि कतिपय अवस्थामा फरक पार्छ । अहिले श्रीमान्हरू पनि कुनै दिन बेलुका ८:९ बजेसम्म बसेर काम गर्नुभएको छ । ऐनले छ महिनाभित्र टुङ्गोमा पुयाउने भन्छ, त्यसमा श्रीमान्हरूको प्रतिबद्धता नै छ ।”

न्यायपरिषद्को सिफारिसमा २०८० साल मङ्सिर १३ गतेको मन्त्रीपरिषद्ले अध्यक्ष टेकनारायण कुँवरसहितका छ न्यायाधीशलाई विशेष अदालतको कामकाजमा तोकेको थियो । त्यसयता उक्त समूहले मङ्गलबार (जेठ २२) गतेसम्म ३३९ थान मुद्दा फस्र्योट गरेको छ । चालु आर्थिक वर्ष २०८०\८१ भरिमा मुद्दाको कुल फस्र्योट ४४१ पुगेको छ । कुँवर नेतृत्वका टोली विशेषमा आउँदाको लगत भने ४३४ रहेको छ । सूचना अधिकारी रेग्मीका अनुसार विशेषमा अब दुई वर्ष नाघेको मुद्दा एक थान मात्र बाँकी छ । विचाराधीनमध्ये गैरकानुनी सम्पत्ति आर्जनमा १३ मुद्दा छन् । जसमा दुई वर्ष नाघेका मुद्दा बाँकी छैनन् । यस्तै निर्णयगत अनियमिततामा ६२ थान मुद्दा छन् । जसमा दुई वर्ष नाघेको एउटा मुद्दा छ । नक्कली प्रमाणपत्रका मुद्दा १३ थान बाँकी छन् । घुस तथा रिसवतका मुद्दा १२ थान बाँकी छन् । सम्पत्ति शुद्धीकरणका छ थान मुद्दा विशेषमा विचाराधीन छन् ।

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...