सुदूरपश्चिम सरकारले आज पूर्णता पाउने

Published on

काठमाडौं । सत्ता गठबन्धनका दलहरु सुदूरपश्चिम प्रदेश सरकारलाई पूर्णता दिने तयारीमा जुटेका छन् । यसका लागि दलहरुबिच आइतबार साँझ नै मन्त्रालय भागवण्डामा सहमति जुटेको बताइएको छ ।

सहमतिअनुसार सत्ता साझेदार ठुला पार्टी नेकपा (एमाले) र नेकपा (माओवादी केन्द्र)ले सरकारमा सहभागी हुने मन्त्रीको नाम बुझाउने तयारी गरेसँगै मुख्यमन्त्री सोडारीले सरकारलाई पूर्णता दिन थाल्नुभएको एकीकृत समाजवादी सुदूरपश्चिम संसदीय दलका उपनेता प्रकाश रावलले जमनकारी दिनुभयो । प्रधानमन्त्री पुष्पकमल दाहाल ‘प्रचण्ड’ भारतबाट फर्केलगत्तै सोमबार अन्तिम टुङ्गो लाग्ने र आज नै मन्त्रीलाई सपथ खुवााउने तयारी थालिएको उहाँको भनाइ छ । उहाँकाअनुसार एमाले र माओवादी केन्द्रबाट मन्त्री हुनेको नाम पनि लगभग टुङ्गो लागिसकेको छ । एमाले र माओवादी केन्द्रले सरकारमा सहभागि हुने मन्त्रीको नाम मुख्यमन्त्रीलाई बुझाउने र यसबाहेक स्वतन्त्र सांसद डा। तारा जोशीलाई पनि मन्त्री बनाउने मुख्यमन्त्रीको तयारी छ । माओवादी केन्द्रका एक नेताका अनुसार एमालेले अर्थ मन्त्रालयसहित तीन मन्त्रालय पाउने सहमति भएको छ भने माओवादीले पनि सामाजिक मन्त्रालयसहित तीन मन्त्री पाउने सहमति भएको छ । हाल नागरिक उन्मुक्तिका दुईजना सरकारमा मन्त्री छन् ।

उहाँका अनुसार भौतिक पूर्वाधार विकास मन्त्रालय, सामाजिक विकास मन्त्रालय र उद्योग पर्यटन वन तथा वातावरण मन्त्रालय विभाजन गरेर मन्त्रीको भागवण्डा लगाइनेछ । अहिले सुदूरपश्चिम प्रदेश सरकारमा मुख्यमन्त्रीसहित सात मन्त्रालय छन् । दलभित्र मन्त्रीका आकाङ्क्षी बढी देखिएपछि उहाँहरुलाई व्यवस्थापन गर्न मन्त्रालय फुटाउन लागिएको हो । नयाँ सहमति अनुसार एमाले–माओवादीले समान तीन–तीन मन्त्रालय पाउँदा नागरिक उन्मुक्तिले दुई र एकजना स्वतन्त्र सांसदले एक मन्त्री पाउने छन् । मुख्यमन्त्रीमा दीर्घबहादुर सोडारी नियुक्त भएको डेढ महिना पुग्नैलाग्दा बल्ला आज सरकारले पूर्णता पाउन लागेको हो ।

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...