सिमकोट बजारमा सिसिटिभी क्यामरा जडान

Published on

काठमाडौं । हुम्लाको सदरमुकाम सिमकोट बजारमा सिसिटिभी क्यामरा जडान गरिएको छ । चोरी तथा अन्य अपराधिक घटना नियन्त्रणमा सहजता ल्याउनका लागि सिमकोट गाउँपालिका र जिल्ला प्रहरी कार्यालय हुम्लाको सहकार्य र समन्वयमा क्यामरा जडान गरिएको हो । लामो प्रयासपछि सिमकोट बजार क्षेत्रमा सिसिटिभी क्यामरा जडान गर्ने कार्य सफल भएको प्रहरी नायब उपरीक्षक रबिन्द्र खनालले बताउनुभयो । उहाँले बजार क्षेत्रमा चोरीको घटना नियन्त्रण गर्न, अन्य अपराधिक घटना हुन नदिन आवश्यक रहेको अवस्थामा सिसिटिभी क्यामरा सहयोगी बन्ने विश्वास उहाँको छ ।

यसअघि बजार क्षेत्रमा सिसिटिभी क्यामरा जडान नगरिएका कारण बजारमा हुने अपराधिक घटना प्रहरीलाई पत्ता लगाउन कठिन भइरहेको बेला सिमकोट गाउँपालिकाको सहयोगमा सिसिटिभी क्यामरा जडान कार्य भएको उहाँले बताउनुभयो । बजार क्षेत्रमा जडान गरिएको क्यामराले सुरक्षाकर्मीहरुलाई सुरक्षा प्रदान गर्न सहज हुने विश्वास उहाँको छ । हाललाई काली चोकदेखि एयरपोर्ट चोकसम्म पाँच वटा सिसिटिभी क्यामरा जडान गरेर सुरक्षा प्रदान गर्ने कार्य भइरहेको छ । यी क्यामराले कैद गरेको फुटेज जिल्ला प्रशासन कार्यालयमा रहेको सुरक्षा पोष्टले हेर्न सुरु गरेको छ । सिमकोट गाउँपालिकाका अध्यक्ष बिजय भण्डारीले सिमकोट बजार क्षेत्रको सुरक्षा संवेदनशीलतालाई नै ध्यानमा राखेर सिसिटिभी क्यामरा जडानको व्यवस्थाका लागि गाउँपालिका लागेको बताउनुभयो ।

क्यामरा जडान नहुँदा चोरी लगायत अन्य अपराधिक घटनाहरु पत्ता लगाउन कठिन हुन थालेपछि गाउँपालिकाले सिसिटिभी क्यामरा खरिद गरेर जडान कार्य गर्न सहयोग गरेको उहाँले बताउनुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...