भानु जयन्तीमा कविता प्रतियोगिता

Published on

काठमाडौं । राष्ट्रिय विभूति एवं आदिकवि भानुभक्त आचार्यको २११ औं जन्मजयन्तीको अवसरमा शनिवार बर्दीबासमा तेस्रो नगरस्तरीय अन्तर मावि कविता प्रतियोगिता सम्पन्न भएको छ ।

आदिकविको स्मृतिमा बर्दीबास हेल्प फाउण्डेसनले आयोजना गरेको प्रतियोगितामा नगर क्षेत्रका १६ वटा सामुदायिक विद्यालयका ४८ जना छात्रछात्रा सहभागी भएको प्रत्योगिता संयोजक सुमित्रा भट्टराईले बताउनुभयो । प्रतियोगितामा साहित्यकार प्रोल्लास सिन्दुलीय, माधव कफ्ले तथा मुकुन्द पौडेलसहित ३ सदस्यीय निर्णायक समिति गठन गरिएको छ । फाउण्डेसनका अध्यक्ष हिरा गौतमले निर्णायक समितिको सिफारिसमा प्रतियोगितामा उत्कृष्ट हुने प्रथम, द्वितीय र तृतीयलाई क्रमशः १५ हजार, १० हजार र ७ हजार नगद पुरस्कार तथा प्रमाणपत्रको ब्यवस्था गरिएको छ । सहभागीमध्ये सान्त्वना बापत १० जनालाई १्–१ हजार रुपियाँ प्रदान गरिने आयोजकले जनाएको छ ।

बर्दीबास नगरप्रमुख प्रल्हाद क्षेत्री र आयोजक फाउण्डेसनका अध्यक्ष हिरा गौतमले आदिकविको तस्बिरमा माल्यार्पण तथा पानसमा बत्ती बालेर कार्यक्रमको उद्घाटन गर्नुभयो । नगरप्रमुख क्षेत्रीले आदिकवि भानुभक्तले नेपाली भाषा तथा साहित्यको क्षेत्रमा गर्नुभएको योगदानको चर्चा गर्दै भाषा, साहित्य र संस्कृति सभ्यताको पहिचान भएकाले संरक्षण, सम्वर्धनका लागि सवै एकजुट हुनुपर्ने बताउनुभयो । अध्यक्ष हिरा गौतमले फाउन्डेसनले नगरपालिकाको शिक्षा, साहित्य र समाज उत्थानको क्षेत्रमा गरेको योगदानको विषयमा चर्चा गर्नुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...