‘प्रवासीको देश हुन्न’ माथि अन्तर्क्रिया

Published on

काठमाडौं । प्रवासमा बसेर साहित्यमा कलम चलाइ रहेका आख्यानकार पञ्चम अधिकारीको नवीनतम कथासङ्ग्रह ‘प्रवासीको देश हुन्न’ हालै बजारमा आएको कृति हो । सम्पूर्ण किताब नारायणगढले चितवनका पाठकहरू माझ ‘प्रवासीको देश हुन्न’माथि अन्तरक्रिया गराएको छ ।

बाध्यता र रहरले बिदेसिएका नेपाली नागरिकले रगत पसिना बगाएर नै केही धन लाभ गरी स्वदेश फर्कन परेको र स्वदेश फर्कँदा पनि नेपालमा नेपाली पन नपाउँदा परदेशी जस्तो हुनुपरेको कथा ‘प्रवासीको देश हुन्न’ मा समेटिएकोमा वक्ताहरूले जोड दिए । समालोचक तथा प्राध्यापक गायत्री श्रेष्ठले पञ्चमले प्रवासमा बसेर पनि कथामार्फत नेपाली भाषा र जनजीवन सम्झनु, गुन्द्रुक र मस्यौरा पनि सम्झनु , दसैँ, तिहार, तीज र रोदीघर सम्झनु देशप्रतिको माया दर्साउनु भएको टिप्पणी गर्नुभयो । “पञ्चमका कथामा मेहनत र पाखुरीको मूल्यको चर्चा छ”,उहाँले भन्नुभयो ।

कथाकार प्रा।डा। हरिहर पौडेलले देश वा परदेश जहाँ बसे पनि नेपाली नेपाली नै भएकाले परदेशमा बस्नेहरू माथि हेयका दृष्टिले हेरिने परिपाटीको अन्त हुनुपर्ने बताउनुभयो । “मान्छे कति बाध्यताले बिदेसिएको होला । कति ऋण नै काढेर परदेश हानिएका छन् । उनीहरूलाई परदेशी बनाउन थालियो भने नेपाली चाहिँ को हुने रु”, उहाँको प्रश्न थियो । उहाँले पसिना बगाउँदा बगाउँदै कतिपयले ज्यान गुमाएर बाकसमा स्वदेश फर्किन बाध्य भएका प्रसङ्ग उठान गरेर पञ्चमका कथामा प्रवासको जीवन कठिन र कहाली लाग्दो करुण विदारक देखाइएको बताउनुभयो । ‘प्रवासीको देश हुन्न’ मा १४ वटा कथा छन् । सबै कथा युरोपको सेरोफेरोमा रहेर लेखिएको छ । लेखक पञ्चम अधिकारीले स्वदेशको याद, युवावस्थाको पुरानो सम्झना र परदेशमा आएर बुनिएको सपनामै केन्द्रित रहेर आफूले कथा तयार गरेको बताउनुभयो ।

अक्षर समूह चितवनका अध्यक्ष रमेश प्रभातको अध्यक्षतामा सम्पन्न सो कार्यक्रम साहित्यकार गोविन्दराज विनोदले प्रवासमा बसेर पनि नेपाली भाषा र साहित्यको सेवामा लागि पर्ने पञ्चम जस्ता कम प्रवासी रहेका बताउनुभयो । कार्यक्रममा स्वागत मन्तव्य राख्दै पत्रकार वसन्त पराजुलीले कथाकार अधिकारीको लेखन यात्राको सफलताको कामना गनुभयो । शिखा बुक्सले प्रकाशन गरेको ‘प्रवासीको देश हुन्न’ अघि पंचमको ‘पथिक प्रवासन’ (२०६७) उपन्यास प्रकाशित छ । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...