कौशिकी आरती सुरु

Published on

काठमाडौं । चतराधाममा कौशिकी आरती सुरु गरिएको छ । साउन प्रारम्भसँगै चतराधामको दुर्वासाघाट क्षेत्रको कोशी किनारमा कौशिकी आरती सुरु गरिएको हो । वराहक्षेत्र नगरपालिकालाई धार्मिक पर्यटकीय क्षेत्रका रूपमा विकास गर्न वराहक्षेत्र नगरपालिकाले जगत्गुरु पीठ चतराधामको सहयोगमा कौशिकी आरती सुरु गरेको नगरपालिकाले जनाएको छ । नगरपालिकाले वराहक्षेत्रमा धार्मिक पर्यटनको विकास र यस क्षेत्रको महìव बढाउन सन्ध्याकालीन कौशिकी आरती सुरु गर्ने पालिकाले नीति तथा कार्यव्रममै समावेश गरेको नगरप्रमुख रमेश कार्कीले बताउनुभयो ।

साउन १ गतेदेखि सुरु भएको सन्ध्याकालीन आरती महिनाको हप्तामा दुई पटक शनिबार र आइतबार गरिने जनाइएको छ । भदौ लागेपछि भने कार्यतालिका परिमार्जन गरिने पालिकाले जनाएको छ । जगत्गुरु बालसन्त मोहनशरण देवाचार्यको उपस्थितिमा सन्ध्याकालीन कौशिकी आरती सुरु गरिएको थियो । धार्मिक पर्यटक वराहक्षेत्र मन्दिर, हनुमान मन्दिर, राधाकृष्ण मन्दिर, सिसमहल र औलिया मठको दर्शनपछि साँझमा कौशिकी आरतीमा सहभागी हुन पाऊन् भनेर आरतीलाई निन्तरता दिन सुरु गरेको नगर प्रमुख कार्कीले बताउनुभयो । तत्कालीन मन्त्री रामकुमार सुब्बाले कौशिकी नदीमा महाआरतीको उद्घाटन गरे पनि निरन्तता पाउन नसक्दा बिचमा रोकिएको थियो । सङ्गीतमय कौशिकी आरतीमा श्रद्धालुले सहभागिता जनाउने र धार्मिक पर्यटनले नगर क्षेत्रको विकासमा सहयोग पुग्ने विश्वास गरिएको छ । सात वटा कोशी मिलेर बनेको सप्तकौशिकी नदी किनारमा बनाइएको सिँढी चौतालको खुला ठाउँमा तीन जना गुरुले दैनिक साँझ महाआरती गरिने जनाइएको छ । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...