मूलकलाई अस्थिर बनाउने प्रयत्नलाई नेकपा एमालेलेमात्र परास्त गर्न सक्छ:ओली

Published on

काठमाडौं । नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले मूलक अप्ठेरो परिस्थितिमा गुज्रिएको र अस्थिरता कायम गराउन खोजिएकाले सबैलाई सचेत हुन आग्रह गर्नु भएको छ । मूलकको दिगो विकास र समृद्धिलाई रोकेर मूलकलाई अस्थिर बनाउने प्रयत्नलाई नेकपा एमालेलेमात्र परास्त गर्न सक्ने जनाउदै उहाँले यस्तो आग्रह गर्नु भएको हो । वर्तमान राष्ट्रिय तथा अन्तर्राष्ट्रिय परिस्थिति अनुकूल नरहेको उल्लेख गर्दै पार्टीका नेताकार्यकर्तालाई सचेत र सक्रिय भएर यस विषयमा जनतालाई बुझाउन ओलीले आग्रह पनि गर्नु भएको छ । तपाईँहरू देख्दै आउनु भएको छ अहिले राष्ट्रिय र अन्तर्राष्ट्रिय परिस्थिति पनि ठीक छैन, उहाँले भन्नुभयो।ओलीले एमालेका विरुद्ध सबै एकजुट भएर लागेर घेराबन्दी गरेको यस्ता सबै घेराबन्दी तोड्न एमाले सक्षम छ भनेर पुष्टि गर्नुपर्ने समय आएको दाबी गर्नु भयो । सोमबार दमकमा भएको घरदैलो कार्यक्रममा स्थानीय मतदाताहरुलाई आफ्ना कुरा राख्दै ओलीले यस क्षेत्रमा ल्याइएका कतिपय विकासका योजनाहरू अहिलेको सरकारले बजेट कटौती गरेर अलपत्र पारेको जनाउनुभयो ।

यहाँका अधुरा विकास निर्माणदेखि लिएर यस क्षेत्रको र मूलकलाई नै विकसित बनाउनका लागि आफूलाई मत दिन ओलीले आग्रह गर्नु भयो । विकास नै आवश्यक थिएन, विकास किन चाहियो रु भनेर कतिपयले भनेको सुनेको जनाउदै मूलक सम्वद्ध बन्नका लागि सबै क्षेत्रको विकास अपरिहार्य भएको ओलीले बताउनुभयो । जनताका आवश्यकता र अपेक्षासँग जोडिएका विकासका मुद्दा गाउँगाउँसम्म लैजानुपर्नेमा ओलीले जोड दिनुभयो । उहाँले कार्यकर्तालाई एकताबद्ध भएर सङ्गठन सुदृढीकरण, विकासका उपलब्धि प्रचारप्रसार तथा भावी योजनाको स्पष्ट खाका प्रस्तुत गर्न आग्रह गर्नुभएको छ ।  “म नजिकबाट तपाईँको समस्या सुन्न आएको हुँ। म आफै तपाईँहरूसँग भेटघाट गर्ने र यहाँहरूको चाहना बुझ्नका लागि घरदैलोमा आएको छु, ”मतादातहरुसँग उहाँले भन्नुभयो । तपाईंहरूका गुनासा, सुझाव र मागलाई सम्बोधन गर्ने प्रतिबद्धता व्यक्त गर्दछु, ओलीले मतदातासँग स्पष्ट पार्नु भयो ।उहाँले भन्नुभयो, “मेरो सपना भनेको नै यहाँहरूको माग पुरा होस र गुनासोको उचित सम्बोधन गर्न सकियोस् भन्ने रहेको बताउनुभयो । अब आफू नियमित रुपमा भेटघाट र घरदैलोमा रहन्छु।” गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...