तीन महिनापछि बल्यो बिजुली

Published on

काठमाडौं । हिमालपारिको गाउँपालिका चुमनुब्री गाउँपालिकाको सामागाउँ र साम्दोका बासिन्दाले तीन महिनापछि पुनः बिजुली बाल्न पाएका छन् । सामागाउँ जलविद्युत् आयोजनाको उपकरण मर्मत सम्पन्न भएसँगै विद्युत् सुचारु भएको छ । लघुजलविद्युत् आयोजनाका अध्यक्ष वीरबहादुर लामाका अनुसार जलविद्युत् आयोजनाको मेसिनमा प्राविधिक समस्या आएपछि तीन महिनादेखि बन्द रहेको आयोजना हाल पूर्ण रूपमा सञ्चालनमा आएको छ । 

हिमालपारिको दुर्गम क्षेत्रमा पर्ने यी ठाउँ मनासलु क्षेत्र अन्तर्गत चुमनुब्री गाउँपालिका–१ मा पर्छ । यहाँ हालसम्म मोटरबाटो नपुगेकाले मर्मत कार्य चुनौतीपूर्ण बनेको थियो । अध्यक्ष लामाले भारतबाट आवश्यक उपकरण झिकाएर हेलिकोप्टरमार्फत ढुवानी गरी मर्मत गरिएको जानकारी दिनुभयो । धेरै सकस गरेर बल्ल बल्ल आयोजना सञ्चालनमा ल्याउन सफल भयौँ, अध्यक्ष लामाले भन्नुभयो, “सामागाउँ र साम्दोमा बिजुली सेवा अवरुद्ध हुँदा स्थानीय बासिन्दा र आन्तरिक तथा बाह्य पर्यटक अँध्यारोमा बस्न बाध्य भएका थिए ।” उत्तरी गोरखामा विशेष गरी चिसोयाममा विद्युत् अभावले दैनिकी प्रभावित भएको थियो । ल्होसार पर्वका अवसरमा पुनः बत्ती बाल्न पाउँदा स्थानीय बासिन्दा खुसी भएको सामागाउँका स्थानीय दोर्जे लामाले बताउनुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...