काठमाडौं । मकवानपुरको बागमती गाउँपालिका–८, तल्लो भवानीस्थित मदन भण्डारी लोकमार्गमा मोटरसाइकल दुर्घटना हुँदा चालकको मृत्यु भएको छ । सोमबार राति भएको सवारी दुर्घटनामा मोटरसाइकल चालक मकवानपुर बकैया गाउँपालिका–८, बस्तिपुर बस्ने ४० वर्षीय प्रेमबहादुर गोलेको मृत्यु भएको हो । दुर्घटनामा गम्भीर घाइते हुनुभएका गोलेको उपचारको क्रममा हेटौँडा अस्पतालमा मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक पुस्कर बोगटीले जानकारी दिनुभयो । फापरबारीबाट हात्तिसुडे तर्फ जाँदै गरेको प्र.३–०२–००५ प. १००८ नम्बरको मोटरसाइकल नालामा खसेर दुर्घटना भएको इलाका प्रहरी कार्यालय फापरबारी मकवानपुरले जनाएको छ । गोरखापत्र
