हुम्लाभर भर्ना अभियान सञ्चालन

Published on

काठमाडौं । हिमाली जिल्लाभरका विद्यालयहरूमा भर्ना अभियान सुरु भएको छ। विद्यालय परिवार र गाउँपालिकाको शिक्षा, युवा तथा खेलकुद शाखाले सतप्रतिशत बालबालिकालाई विद्यालयको पहुँचमा ल्याउन यो अभियान सञ्चालन गरिरहेको छ। जिल्ला शिक्षा समिति तथा जिल्ला समन्वय समितिका अध्यक्ष शिबराज शर्माले जानकारी दिनुभयो कि पुस १५ देखि फागुन २ सम्म हिउँदे बिदा सकिएपछि फागुन ३ गतेदेखि सबै तहका विद्यालय खुला भएका थिए। हाल, दुई हप्ते समयावधि राखेर विद्यालयहरूमा भर्ना, वडा, टोल र छिमेकमा ब्यानरसहित र्याली गरेर सबै बालबालिकालाई विद्यालयको पहुँचमा पुर्याउने प्रयास भइरहेको छ। नियमित विद्यार्थीका साथै विद्यालय बाहिर रहेका विद्यार्थी खोजी भर्ना गराउने काम पनि यस अभियानको मुख्य अंश हो। सिमकोट गाउँपालिका शिक्षा शाखाका प्रमुख कृष्णप्रसाद आचार्यका अनुसार, गाउँपालिकाले विद्यालयसँगको समन्वयमा विद्यालय आफैंले पनि भर्ना अभियान सञ्चालन गरिरहेको छ। गत वर्ष गाउँपालिकाभर करिब पाँच सय विद्यार्थीहरू विभिन्न विद्यालयमा भर्ना भएका थिए। यस अभियानले विद्यालय बाहिर रहेका विद्यार्थीको संख्या घटाउन महत्वपूर्ण योगदान पुर्याएको बुझाइ उहाँको छ।

बालमन्दिर माविका प्रधानाध्यापक कैलाश रोकायाले विद्यालयले आफ्नै पहलमा भर्ना अभियान जारी राखेको र यसले अन्य विद्यालयमा अध्ययनरत विद्यार्थीलाई पनि आकर्षित गरेको बताए। यसै कारण बालमन्दिर माविमा जिल्लाभर सबैभन्दा बढी विद्यार्थी अध्ययन गर्ने क्रम बढेको छ। यो भर्ना अभियान केवल बालमन्दिरमात्र नभएर सिमकोट गाउँपालिकाका सबै सामुदायिक विद्यालय र जिल्लाका अन्य छ वटा-नाम्खा, खार्पुनाथ, सर्केगार्ड, चंङ्खेली, अदानचुली र ताँजाकोट गाउँपालिकाका विद्यालयहरूमा समेत सुरु गरिएको छ। गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...