काठमाडौं । इलामको माइजोगमाई गाउँपालिकामा अपाङ्गता भएका अशक्त व्यक्तिलाई घरमै गएर अपाङ्गता परिचयपत्र वितरण गरिएको छ । गाउँपालिकास्थित अपाङ्गता समन्वय समितिले वडा १ र ३ मा अपाङ्गता भएका व्यक्तिलाई परिचयपत्र हस्तान्तरण गरेको हो । पालिकामा रहेका अपाङ्गता भएका व्यक्तिहरुको व्यक्तिगत र पारिवारिक अवस्था बुुझ्ने, आवश्यक पुनस्र्थापना सेवाको पहिचान गर्ने, स्वास्थ परीक्षणका साथ अपाङ्गता परिचयपत्र हस्तान्तरण गर्ने साथै न्यानो कपडा वितरण गर्ने काम गरिएको गाउँपालिका उपाध्यक्ष तथा अपाङ्गता समन्वय समिति संयोजक प्रविना राईले बताउनुुभयो ।
परिचयपत्र वितरण कार्यक्रममा गाउँपालिका उपाध्यक्ष राईसहित गाउँपालिका अध्यक्ष कुशबहादुर थेवे माइजोगमाई आधारभूत अस्पतालका डा. यसमिन शेर्पा लगायतको सहभागिता थियो । त्यसक्रममा माइजोगमाई गाउँपालिका –१ प्रेमेजुङमा अपाङ्गता भएका दुुई जनालाई रातो (पूर्ण अशक्त अपाङ्गता) परिचयपत्र वडा –३ मा एक जनालाई रातो (पूर्ण अशक्त अपाङ्गता) र एक जनालाई निलो (अति अशक्त अपाङ्गता) परिचयपत्र वितरण गरिएको छ । गोरखापत्र
