झापामा चुनावी सरगर्मी : सहिद परिवारसँग चुनावी भलाकुसारी

Published on

काठमाडौं । दस वर्षे जनयुद्धका क्रममा ज्यान गुमाएका सहिद परिवारसँग नेकपाका उम्मेदवार पुरुषोत्तम चुडालले भेटघाटलाई तीव्रता दिनुभएको छ । झापा क्षेत्र नं. ४ स्थित झापा गाउँपालिका–१ का सहिद परिवारसँग उम्मेदवार चुडालले घरदैलोका क्रममा भेटघाट गर्नुभएको हो । उम्मेदवार चुडाल स्वयं पनि जनयुद्धका क्रममा २८ महिना कठोर बन्दी जीवन बिताउनुभएका व्यक्ति हुनुहुन्छ । तत्कालीन समयमा झापाको सुरुङ्गाबाट पक्राउ पर्नुभएका उहाँलाई लामो समय बेपत्ता पारिएको थियो । चुडालसँगै पक्राउ परेपछि सेना तथा प्रहरीको कारबाहीमा परी मृत्यु भएका भीम खनाल ‘बाबा’ र डिल्लीराम लिम्बू ‘गगन’ को घरमा पुगेर उहाँले परिवारसँग भलाकुसारी गर्नुभयो । भेटघाटमा उहाँसँगै जनयुद्धकालमा लामो समय जेल जीवन बिताउनुभएकी नेकपाकी समानुपातिक उम्मेदवार ममता राजवंशी पनि सहभागी हुनुहुन्थ्यो । घरदैलोका क्रममा उनीहरूले आन्दोलनका बेला आफूले गुमाएका मित्रहरू र तत्कालीन सङ्घर्षका क्षणको स्मरण गर्नुभयो ।

भेटका क्रममा सहिद भीम खनालकी आमा कौशिला खनालले देशको मुक्तिका लागि छोराले बलिदान दिएको बताउँदै आवश्यक परेको खण्डमा आफू अझै बलिदान दिन तयार रहेको भावुक अभिव्यक्ति दिनुभयो । यसैगरी, अर्का सहिद डिल्लीराम लिम्बूकी आमा टीकामाया लिम्बूले जनयुद्धले देशका नागरिकलाई रैतीबाट मान्छे बनाएको बताउनुभयो । उहाँले भन्नुभयो, “मैले छोरा गुमाए पनि त्यसको बदलामा देशले गणतन्त्र पायो, जनताका छोराछोरी राष्ट्रपति र प्रधानमन्त्री बन्ने दिन आयो । तर, गरिबीबाट अझै मुक्ति मिल्न सकेको छैन ।” उहाँले जनतालाई अधिकारसम्पन्न बनाएपछि अब रोग, भोग र गरिबीबाट मुक्ति दिलाउन उम्मेदवारहरूलाई आग्रह गर्नुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...