लमजुङका दुई मतदान केन्द्रमा महिला कर्मचारी मात्रै

Published on

काठमाडौं । फागुन २१ गते हुने प्रतिनिधिसभा सदस्यको निर्वाचनका लागि लमजुङका दुई वटा मतदान केन्द्रमा महिला कर्मचारी मात्रै खटिने भएका छन् । सदमुकाम बेँसीसहरको जनविकास माध्यामिक विद्यालय मतदान स्थलमा रहेका दुई वटा केन्द्रमा महिला कर्मचारीले मात्रै जिम्मवारी पाएका हुन् । यहाँको दुवै केन्द्रमा मतदान अधिकृत, सहायक मतदान अधिकृत, सहायक कर्मचारी र सहयोगी कर्मचारी सवै महिला कर्मचारी खटाइएको छ । जनविकास ‘क’ मा ५८८ र ‘ख’ केन्द्रमा ६३७ मतदाता रहेका छन् । ‘क’ केन्द्रमा एकीकृत सेवा कार्यालयको प्रमुख मीताकुमारी थापाले मतदान अधिकृतको जिम्मेवारी पाउनुभएको छ भने सहायक मतदान अधिकृतमा भेटेरिनरी अस्पताल तथा पशुसेवा कार्यालयकी मेलिना खड्का, सहायक कर्मचारीमा सीता थापा पन्थी, शान्ति गुरुङ, लक्ष्मी रिमाल र सहयोगी कर्मचारीमा योचिनी गुरुङ रहनुभएको छ ।  

यसैगरी, ‘ख’ मतदान केन्द्रमा मध्यनेपाल नगरपालिकाको अधिकृत मञ्जु थापा मगर मतदान अधिकृत हुनुहुन्छ, भने सहायक मतदान अधिकृतमा मर्स्याङ्दी गाउँपालिकाकी चन्द्रकुमारी गुरुङ हुनुहुन्छ । सहायक कर्मचारीमा सरिता थारू, बविता विश्वकर्मा, राधा ज्ञावाली र सहयोगी कर्मचारीमा शिलाकुमारी श्रेष्ठ रहनुभएको छ । यी मतदान केन्द्रमा सुरक्षाकर्मीको टोली पनि महिला नै खटाउने गरी छलफल भइरहेको सहायक प्रमुख जिल्ला अधिकारी थमनसिंह  गौतमले जानकारी दिनुभयो । मुख्य निर्वाचन अधिकृतको कार्यालयले १९२ मतदान केन्द्रमा खटिने मतदान अधिकृतसहित कर्मचारीहरूको नामावली सार्वजनिक गरिसकेको छ । निजामती कर्मचारी र प्राथामिक तहका शिक्षकहरूलाई समेत समावेश गरी एक हजार १५२ जना निर्वाचनमा खटिनुभएको छ ।  लमजुङमा १३० मतदान स्थलमा १९२ मतदान केन्द्र र एउटा अस्थायी मतदान केन्द्र रहेका छन् ।

लमजुङमा ११ दल र एक स्वतन्त्र गरी १२ जना उम्मेदवार रहेकोमा एक जना मात्र प्रत्यक्षतर्फ महिला उम्मेद्वार रहनुभएको छ । एक लाख ३७ हजार १२४ जना मतदातामा महिला मतदाता ६९ हजार ५२४ र पुरुष मतदाता ६७ हजार ६०० जना रहेका छन् । पुरुष भन्दा महिला मतदाताको सङ्ख्या एक हजार ९२४ ले बढी छ । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...