काठमाडौं । इलाम अस्पतालको आकस्मिक कक्ष (इमजेन्सी) सेवाको नयाँ भवनको निर्माण कार्य सुरु भएको छ । भारतीय राजदूताबासको सहयोग र इलाम नगरपालिकाको लागत साझेदारीमा नयाँ भवन निर्माण सुरु भएको इलाम नगर पालिकाले जनाएको छ । भवन निर्माणका लागि ११ करोड ९६ लाख ५ हजार ६ सय ५७ रुपियाँमा ठेक्का लागेको इलाम नगरपालिकाका इन्जिनियर क्षितिज दाहालले बताउनुभयो । दाहालका अनुसार दुताबासको ९० प्रतिशत रकम र नगरपालिको दश प्रतिशत लागत साझेदारीमा भवन निर्माण पुरा हुनेछ ।
अर्थ डिजाइनर्स एन्ड डेभलोपर्स प्रालि हेटाैँडा ६ मकवानपुरले ठेक्का पारेरे सुरु भएको भवनका आगामी २०८४ जेठ १५ गते सम्म निर्माण कार्य सम्पन्न गरिसक्नु पर्नेछ । निर्माण हुने दुई तले पक्की भवनमा आकस्मिक सेवा साथै आइ सियु, अप्रेसन थ्रिएटर, ओपीडी सहित अन्य वार्डहरु सञ्चालन हुने इन्जिनियर दाहालले जानकारी दिनुुभयो । गोरखापत्र
