निर्वाचन सामग्री बोकेर कार्यक्षेत्र लागे कर्मचारी

Published on

काठमाडौं । निर्वाचनमा खटिने कर्मचारी तथा सुरक्षाकर्मीहरू निर्वाचन सामग्री बुझेर मतदान केन्द्रतर्फ लागेका छन् । नवलपुरको सदरमुकाम कावासोतीबाट मतपत्रसहितका निर्वाचन सामग्री बुझेर मतदान स्थल प्रस्थान गर्ने काम जारी छ । नवलपुरका पहाडी विकट क्षेत्रहरूमा आइतबार नै मतपत्र र मतपेटिकासहितका सामग्री लिएर कर्मचारीहरू प्रस्थान गरेका हुन् भने सुगम क्षेत्रका मतदान केन्द्रहरूमा सोमबार बिहानैबाट सामग्री बुझेर प्रस्थान गर्ने क्रम जारी छ । मतदान अधिकृत र सहायक कर्मचारी तथा सुरक्षाकर्मीको टोलीसहित सामग्रीहरू पठाउने क्रम जारी छ । जिल्ला निर्वाचन कार्यालय नवलपुरका प्रमुख लालप्रसाद शर्मा भुसालका अनुसार सोमबार साँझसम्म सबै मतदान केन्द्रमा सामग्री र कर्मचारीहरू पुग्नेछन् । दुई वटा प्रतिनिधिसभा निर्वाचन क्षेत्र रहेको नवलपुरमा एक सय १४ वटा मतदान स्थल र ३ सय ११ मतदान केन्द्र रहेका छन् ।

जिल्लामा एउटा अस्थायी मतदान केन्द्र रहेको छ । निर्वाचन कार्यालयले मतपत्रसहित पचास प्रकारका निर्वाचन सामग्री मतदान स्थलका लागि पठाएको छ । मतपेटिका, स्वस्तिक छाप, स्ट्याम्प प्याड, मसी, मार्कर, मतदाता नामावली, छेकाबार लगायतका मतदानका दिन आवश्यक पर्ने सबै प्रकारका सामग्रीहरू मतदान अधिकृतलाई जिम्मा लगाएर पठाइएको निर्वाचन कार्यालय प्रमुख भुसालले बताउनुभयो । नवलपुरमा एक हजार ८६९ कर्मचारी निर्वाचनका लागि खटिँदै छन् । दुईवटा प्रतिनिधिसभा निर्वाचन क्षेत्र रहेको नवलपुरमा कुल २ लाख ६८ हजार ५२६ मतदाता रहेका छन् । जसअन्तर्गत प्रतिनिधिसभा निर्वाचन क्षेत्र नम्बर १ मा पुरुष मतदाता ६५ हजार ९८२, महिला मतदाता ७१ हजार ९८ र अन्य एक गरी कुल १ लाख ३७ हजार ८१ मतदाता रहेका छन् । प्रतिनिधिसभा निर्वाचन क्षेत्र नम्बर २ तर्फ पुरुष मतदाता ६३ हजार ७२, महिला मतदाता ६८ हजार ३७० र अन्य मतदाता ३ जना गरी कुल १ लाख ३१ हजार ४४५ मतदाता रहेका छन् । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...