बाढीपहिरोका कारण पटकपटक अवरुद्ध हुने बिपी राजमार्ग अब अवरुद्ध भएमा आधा घण्टाभित्रै सञ्चालनमा ल्याउने गरी तयारी गरिएको छ। डिभिजन सडक कार्यालय भक्तपुरका अनुसार पुनर्निर्माण अन्तिम चरणमा पुगेको छ र केही दिनभित्रै पुनर्निर्मित ट्र्याकबाट सवारी सञ्चालन हुनेछ।
कार्यालयले आवश्यक उपकरण तयारी अवस्थामा राखिएको जनाएको छ। चौकीडाँडा, चारसयबेँसी, चिउरीबास, बोक्सीकुना, कालढुङ्गा र पिप्ले–बर्खेखोला क्षेत्रलाई उच्च जोखिमयुक्त स्थानका रूपमा पहिचान गरिएको छ। हाल अधिकांश स्थानमा पुरानै ट्र्याकबाट सवारी आवागमन भइरहेको छ।
