काठमाडौं – नुवाकोटको किस्पाङ गाउँपालिकाका अध्यक्ष वीरबल तामाङ कारागार चलान भएका छन्। उनलाई केन्द्रीय कारागार, सुन्धारा पठाइएको प्रहरीले जनाएको छ। बैंकिङ कसुर मुद्दामा काठमाडौं जिल्ला अदालतले तामाङसँग २२ लाख रुपैयाँ धरौटी माग गरेको थियो। तोकिएको धरौटी रकम बुझाउन नसकेपछि उनलाई कारागार चलान गरिएको प्रहरीले जनाएको छ।
रसुवा बाढी प्रभावित क्षेत्रका स्थानीय जनप्रतिनिधिसँग प्रधानमन्त्री बालेन्द्र शाहले छलफल गरेका थिए। छलफल सकेर सिंहदरबारबाट बाहिरिने क्रममा तामाङ पक्राउ परेका थिए।
प्रहरीका अनुसार तामाङविरुद्ध बैंकिङ कसुरसम्बन्धी १० वटा मुद्दा रहेको खुलेको छ। अदालतले तोकेको धरौटी बुझाउन नसकेपछि उनलाई पुर्पक्षका लागि कारागार पठाइएको हो।
