अमेरिकामा लगातार तेस्रो दिन हवाई उडान प्रभावित

Published on

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार आइतबार मात्रै २ हजार ३०० भन्दा बढी उडान रद्द भएका छन् भने करिब ७ हजार ७०० उडान ढिला भएका छन् । फ्लाइटअवेयरका अनुसार शुक्रबारदेखि सुरु भएको समस्याका कारण तीन दिनमा हजारौँ उडान प्रभावित भएका हुन् ।

अमेरिकी अधिकारीहरूका अनुसार हवाई यातायात नियन्त्रण प्रणालीमा प्रयोग हुने राउटरमा आएको गडबडीका कारण देशभरको उडान व्यवस्थापन प्रभावित भएको हो । अर्कान्सासमा एउटा राउटर परिवर्तन गरेपछि टेक्सासको अर्को राउटरमा समस्या देखिएको र त्यसले सञ्चार प्रणालीमा अत्यधिक चाप सिर्जना गरेको बताइएको छ । एफएएले समस्याग्रस्त राउटरसहित त्यस्तै प्रकृतिका अन्य करिब ६० वटा राउटर निष्क्रिय पारेको छ ।

समस्या साइबर आक्रमणका कारण भएको प्रमाण नभेटिएको यातायातमन्त्री सन डफीले बताउनुभएको छ । उहाँका अनुसार सन् २००१ मा खरिद गरिएका पुराना उपकरण र प्रविधिका कारण प्रणालीमा समस्या देखिएको हुन सक्छ । हवाई यातायात नियन्त्रण प्रणाली स्तरोन्नतिका लागि ५० अर्ब डलर आवश्यक रहेको उहाँले बताउनुभएको छ । राष्ट्रपति डोनाल्ड ट्रम्पले पनि प्रणाली सुधारका लागि संसद्सँग थप बजेट माग गर्नुभएको छ ।

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...

नेपाल प्रहरीको ३४औँ आईजीपी बने डा. मनोज केसी, दानबहादुर कार्की विशेष सुरक्षा सल्लाहकारमा सरुवा

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...