उदाउँदो सूर्यलाई अर्घ्य दिएसँगै छठ पर्व सम्पन्न

Published on

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक अर्घ्य दिइएको छ । उदाउँदो सूर्यलाई अर्घ्य दिएसँगै चार दिनसम्म मनाइने छठ पर्व विधिवत् रूपमा सम्पन्न भएको छ । हिजो आइतबार साँझ अस्ताउँदो सूर्यलाई अर्घ्य दिएपछि रातभर जाग्राम बसेका व्रतालुहरूले आज बिहान सप्तमी तिथिमा उदाउँदो सूर्यको पूजा आराधना गरी अर्घ्य दिएका हुन् । यससँगै व्रतालुहरूको छठ व्रत पूरा भएको छ ।

छठ पर्व मनाइने नदी, पोखरी तथा विभिन्न जलाशयका किनारमा बिहानैदेखि व्रतालु र श्रद्धालुहरूको घुइँचो लागेको छ । पर्वका अवसरमा तराई–मधेशसहित काठमाडौँ उपत्यका र देशका विभिन्न स्थानमा नदी, पोखरी तथा जलाशयका किनारलाई सजाएर झकिझकाउ बनाइएको छ ।

यस वर्ष सरकारले छठ पर्वको समापनका अवसरमा आज पनि सार्वजनिक बिदा दिएको छ । विगतका वर्षमा अस्ताउँदो सूर्यलाई अर्घ्य दिने कात्तिक शुक्ल षष्ठीका दिन मात्रै सार्वजनिक बिदा दिइँदै आएकोमा यस वर्ष षष्ठी र सप्तमी दुवै दिन बिदा दिइएको हो ।

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...

नेपाल प्रहरीको ३४औँ आईजीपी बने डा. मनोज केसी, दानबहादुर कार्की विशेष सुरक्षा सल्लाहकारमा सरुवा

काठमाडौं । सरकारले नेपाल प्रहरीका प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएको छ। मन्त्रिपरिषद्को...