काठमाडौं १९ वैशाख । फिलिपिन्सको राजधानी मनिलाको स्टेट युनिभर्सिटी क्याम्पसको एक आवासीय क्षेत्रमा सोमवार बिहान आगलागी हुँदा कम्तीमा आठ जनाको मृत्यु भएको छ।
फायर प्रोटेक्सन ब्यूरोका अधिकारीहरूलाई उद्धृत गर्दै स्थानीय रेडियोले जनाएअनुसार स्थानीय समय अनुसार बिहान ५ बजे क्वेजोन सहरको उपनगरमा रहेको युनिभर्सिटी अफ फिलिपिन्स परिसरमा आगलागी हुँदा पीडितहरू आफ्नै निवासमा फसेका थिए।
ब्नबलष् न्चयगउ
आगलागीबाट करिब ८० घर जलेर नष्ट भएको र २५० परिवार प्रभावित भएको जनाइएको छ। आगलागीबाट बच्न केही बासिन्दाहरू जलिरहेको घरबाट हाम फालेर भाग्दा घाइते भएका छन्। करिब दुई घण्टापछि दमकलले आगो निभाएको थियो । ब्यूरोले आगलागीको कारण बारे आधिकारिक सूचना जारी गरेको छैन। रासस ।
