महेन्द्रनगर २६ जेठ । कञ्चनपुरको सदरमुकाम महेन्द्रनगर स्थित मन्त्र हस्पिटलले इन्डोस्कोपी सेवा थपेको छ । एकपछि अर्काे सेवा थप्दै गएको हस्पिटलले बुधवारबाट इन्डोस्कोपी सेवा सुरु गरेको हस्पिटलले जनाएको छ ।
मुख्यतया पेट सम्बन्धि रोग, पेटमा भएको अल्सर, पेटको क्यान्सर भएमा, खाना खाने नली सुन्निएमा, पेट तथा आन्द्रामा ट्युमर पलाएमा र आन्द्रामा घाउ भएमा इन्डोस्कोपी गर्ने गरिन्छ ।
महेन्द्रनगरमा निजि क्षेत्रबाट सबैभन्दा बढी लगानी गरिरहेको हस्पिटटले आगामी दिनमा थप सेवा विस्तार गर्ने योजना पनि राखेको छ ।
