म्यान्मारमा नयाँ वर्षको अवसरमा तीन हजार कैदीलाई आममाफी दिइने

Published on

काठमाडौं । म्यान्मारको सैन्य ९जुन्टा० सरकारले बौद्ध नयाँ वर्षको उपलक्ष्यमा तीन हजारभन्दा बढी कैदीलाई रिहा गर्ने घोषणा गरेको छ । यद्यपि सरकारले रिहा गर्ने सूचीमा पछिल्लो दुई वर्षमा पक्राउ गरी जेलमा रहेका आङ सान सुकीको नेशनल डिमोक्रेसी ९एनएलडी० पार्टी र त्यहाँका प्रजातन्त्र पक्षधर अन्य विपक्षी दलहरूका नेता तथा कार्यकर्ता र सर्वसाधारण रहेका छन् वा अन्य विभिन्न अभियोगमा जेल जीवन बिताउँदै आएका व्यक्ति भन्ने विषयमा कुनै स्पष्ट पारिएको छैन ।

सेनाले दुई वर्षभन्दा अघि भएको ‘कु’ पछि हजारौँलाई पक्राउ गरिसकेको छ, जसका कारण देश उथलपुथलमा फसेको छ र देशभर ‘कु’ विरोधी लडाकुहरूसँग व्यापक झडप भएको छ । “जुन्टा प्रमुख मीन आङ ह्लाइङले तीन हजार १५ जना कैदीलाई माफी दिनुभएको छ । म्यान्मारको नयाँ वर्ष, जनताको शान्तिपूर्ण मन र मानवीय आधारमा मनाउनु हो,” जुन्ताको सूचना टोलीले जारी गरेको विज्ञप्तिमा भनिएको छ ।

विज्ञप्तिमा भनिएको छ, “पुनः अपमान गर्नेलाई थप सजायसहित बाँकी सजाय भुक्तान गर्नुपर्नेछ । ‘कु’ को रिपोर्टिङ गरिरहेका जुन्टा विरोधी प्रदर्शनकारी वा जेलमा रहेका पत्रकारलाई रिहा गर्ने वा नगर्ने भन्नेबारे भने केही बताइएको छैन । विद्रोहको केही समयपछि जुन्टाले करिब २३ हजार कैदीहरूलाई रिहा गरेको थियो र त्यस समयमा केही अधिकारवादी समूहहरूले यो कदमले सेनाका विरोधीहरूका लागि ठाउँ खाली गर्नुका साथै समुदायहरूमा अराजकता निम्त्याउने डर व्यक्त गरेका थिए ।

म्यानमारले आफ्नो परम्परागत बौद्ध नयाँ वर्षको बिदाको उपलक्ष्यमा हजारौँ कैदीहरूलाई आममाफी दिने गरेको छ । यस वर्ष सञ्चारमाध्यम र स्थानीयले प्रतिरोधको उद्गमस्थलको एउटा गाउँमा १७० जनाभन्दा बढीको ज्यान जाने गरी सेनाले गरेको हवाई आक्रमणपछि धेरै प्रमुख सहरका सडकहरू बहिष्कारमा मौन थिए । सन् २०२१ को फेब्रुअरीमा सेनाले आङ सान सुकीको सरकारलाई अपदस्थ गरेयता २१ हजारभन्दा बढी व्यक्तिलाई पक्राउ गरिएको स्थानीय निगरानी समूहले जनाएको छ ।

सुकीलाई ‘कु’ को सुरुदेखि नै हिरासतमा राखिएको थियो । गत डिसेम्बरमा जुन्ताले ७७ वर्षीया नोबेल पुरस्कार विजेता सुबीको बन्द अदालती सुनुवाइको शृङ्खला पूरा गरेको थियो र उहाँलाई कुल ३३ वर्षको जेल सजाय सुनाएको थियो । संयुक्त राष्ट्रसङ्घका अनुसार त्यसयता कम्तीमा १७० जना पत्रकारलाई पक्राउ गरिएको छ । रासस/सिन्ह्वा

ताजा समाचार

सवारी दुर्घटनामा कमी

काठमाडौं । धनुषामा विगतका तुलनामा आर्थिक वर्ष २०८०८१ मा सवारीसाधन दुर्घटनामा कमी आएको छ ।...

बङ्गलादेशमा विरोध प्रदर्शनका क्रममा पाँच सयभन्दा बढी पक्राउ

काठमाडौं । बङ्गलादेशको राजधानी ढाकामा आरक्षणविरोधी प्रदर्शनमा केही विपक्षी दलका नेतासहित पाँच सय जनाभन्दा...

आदिकवि क्याम्पसमा मगर भाषासम्बन्धी प्रशिक्षण

काठमाडौं । तनहुँको व्यास नगरपालिका(१ भादगाउँ विज्ञानचौरस्थित आदिकवि भानुभक्त क्याम्पसमा मगर भाषा प्रशिक्षक प्रशिक्षणसम्बन्धी...

लमजुङ अदालतद्वारा लक्ष्यभन्दा बढी मुद्दा फर्छ्याैट

काठमाडौं । बेँसीसहर नगरपालिका(८ मा रहेको जिल्ला अदालत लमजुङले लक्ष्यभन्दा बढी मुद्दा फर्छ्यौट गरेको...