आर्थिक मारमा मष्टा संस्कृत गुरुकुल विद्याश्रम

Published on

काठमाडौं । डोटीमा एक संस्कृत विद्याश्रम धार्मिक जागरण फैलाउन लागिपरेको छ। शिखर नगरपालिका -६, चुडीस्थित श्री मष्टा संस्कृत गुरुकुल विद्याश्रमले धार्मिक जागरण फैलाइरहेको हो । राजनीतिज्ञ तथा समाजसेवी स्वर्गीय दुर्गा प्रसाद फुलाराको अगुवाइमा वि.सं. २०७५ चैतमा स्थापना भइ २०७६ सालबाट पठनपाठन सुरु गरेको मष्टा संस्कृत गुरुकुल विद्याश्रममा डोटी, बझाङ र कैलालीका विद्यार्थीहरू अध्ययनरत छन् ।

जिल्लामा कुनै किसिमका धार्मिक कार्यलगायतका शुभकार्यमा उक्त विद्याश्रमका बटुकहरुलाई मन्त्रोच्चारणका लागि बोलाउने गरिन्छ। हाम्रो समाजलाई नैतिक शिक्षाको आवश्यकता महशुस भइरहेका बेला गुरुकुल विद्याश्रमले गरिरहेको अभियान महत्वपूर्ण रहेको डोटी बहुमुखी क्याम्पसका प्राध्यापक टीकाराम फुलाराले बताए । गुरुकुल शिक्षालाई सरकारले समेत महत्वका साथ हेनुपर्ने उनले भनाइ छ। हाल विद्याश्रममा जम्मा १६ जना बटुक विद्यार्थी अध्ययनरत छन् । धार्मिक जागरण फैलाइरहेको मष्टा संस्कृत गुरुकुल विद्याश्रम भने आर्थिक अभावमा सञ्चालन भइरहेको छ । विद्यार्थीहरुलाई पठनपाठनको आफ्नै भवन नहुँदा सरस्वती माविको दुईवटा कोठा प्रयोगमा ल्याएको शिक्षक ध्रुवराज फुलाराले बताए ।

शिक्षक फुलाराले भने,‘आर्थिक अभावका कारण पठनपाठन,बस्न तथा खानको लागि समेत समस्या भइरहेको छ ।’विभिन्न व्यक्तिले गरेको दानदातव्य,केहि स्थानीय तह,संघसंस्थाहरूले खाद्यान्न तथा आर्थिक सहयोग गरेर विद्याश्रम सञ्चालनमा केहि सहज भइरहेको उनले बताए । विद्याश्रम सञ्चालनका लागि सरकारी तवरबाटै सहयोग भइदिए केही सहज हुने शिक्षक फुलारा बताउँछन् । विद्याश्रममा प्रत्येक दिन बिहान ५ बजेदेखि सन्धोपाशन, नित्य रुद्राभिशेक, शान्ति पाठ गरिन्छ भने साँझ साढे ६ बजे सन्ध्या बन्धन र आरती गरिन्छ ।

ताजा समाचार

‘प्रचण्ड’ आग्राको पेठा जस्तै मिठो हुनुहुन्छ : प्रमुख सचेतक लेखक

महेन्द्रनगर । नेपाली कांग्रेसका प्रमुख सचेतक रमेश लेखकले प्रधानमन्त्री पुष्पकमल दाहाल (प्रचण्ड) प्रति गहृजिल्ला...

प्रचण्ड नेतृत्वको मन्त्रिपरिषद् पुनर्गठन : तीन मन्त्रीको शपथ

काठमाडौं । राष्ट्रपति रामचन्द्र पौडेलसमक्ष नवनियुक्त तीन बिना विभागीय मन्त्रीले पद तथा गोपनीयताको शपथ...

गण्डकीमा बिउँबिजन र आमसञ्चार विधेयक पारित

काठमाडौं । गण्डकी प्रदेशसभाको सोमबारको बैठकले दुई विधेयक पारित गरेको छ । प्रदेशसभाका विषयगत...

बन्धक र गाजा युद्धविरामका लागि आयोजित कायरो बैठकमा इजरायल सहभागी नहुने

काठमाडौं । इजरायलले युद्धविराम र गाजाबाट बन्धकहरूको रिहाइसम्बन्धी छलफलका लागि कायरोमा प्रतिनिधिमण्डल नपठाउने निर्णय...