सिमकोट हिल्सा सडक बन्द

Published on

काठमाडौं । सिमकोट हिल्सा सडकको नारा खण्डमा सडक बन्द भएको छ । सो खण्डको सडकमा बाक्लो हिउँ जमेपछि यातायात सेवा बन्द भएको हो ।

सशस्त्र प्रहरी बल ४४ नम्बर गुल्मका सशस्त्र प्रहरी नायव उपरिक्षक गुन्जन प्रताप मल्लले अघिल्लो मङ्गलबार यता चार दिन लगातार परेको हिमपातको कारण सिमकोट हिल्सा सडक खण्डको नारा लेक खण्डको सडक बन्द भएको बताउनुभयो । नारा क्षेत्रको तीन किलो मिटर सडकमा तीन फिटसम्म हिउ जमेको छ । नारा लेक क्षेत्र चार हजार छ मिटर उचाईमा पर्छ । उहाँले सो सडकमा हिउँ जमेको कारण यारी हिल्सा सडक बन्द भएको बताउँदै यसबाट सुरक्षाकर्मीहरुलाई गस्ती गर्न समस्या भएको बताउनुभयो । हिमपात कै कारण हिल्सामा रहेको सशस्त्र प्रहरीको सिमा सुरक्षा चौकीसँग सञ्चार सम्पर्क हुन सकेको छैन । यद्यपि उहाँले इन्टरनेटले काम गरेको कारण चौकीका सशस्त्र प्रहरी निरीक्षक प्रमोद बिष्टसँग शनिबार सम्पर्क भएको भएपनि आज भने नभएको बताउनुभयो ।

हिल्सामा २५ जना सशस्त्र प्रहरी, सात जना हिल्साका स्थानीय र नेपाल प्रहरीका जवानहरु बस्दै आएका छन् । गत पुस महिनामा हिमपात नभएको कारण माघ महिनासम्म हिल्साबाट यातायातका साधन चल्दै आएका थिए ।

ताजा समाचार

छत्तिसगढ भिडन्तमा मारिने नक्सलवादीकाे संख्या १८ नाघ्याे

छत्तीसगढ, ५ बैशाख । छत्तिसगढको कांकेर जिल्लामा सुरक्षा बल र नक्सलवादीबीच भीषण भिडन्त भएको...

आज रामनवमी पर्व मनाइँदै

काठमाडौँ । आज रामनवमी पर्व मनाइँदैछ । हिन्दू धर्मावलम्बीले श्रद्धापूर्वक रामको पूजा गरेर यो...

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...