घटालथान निर्माण कार्य अधुरै

Published on

काठमाडौं । नयाँ शैलीमा निर्माण गरिएसँगै स्वरूप परिवर्तन हुँदै गएको प्रसिद्ध धार्मिक पीठ घटालथानको भौतिक पूर्वाधार निर्माणको काम अधुरै रहेको छ । सदरमुकाम अमरगढी नगरपालिका–३, गैरीडोटीमा अवस्थित घटालथानमा भौतिक पूर्वाधारका संरचना निर्माण हुन थालेपछि स्वरूप परिवर्तन हुन थालेको थियो ।

बजेट अभावमा यस वर्षदेखि भने भौतिक पूर्वाधार निर्माको काम रोकिएको छ । डोटी खोलामा रहेको घटालथानको घटोत्चक बाबाको मूर्ति परिसरमा पर्खाल, थानको निर्माण, प्रदेशद्वार, खोला किनारमा प्याराफिट, खोलामा आउजाउ गर्न पुल र सिँढी बाटो निर्माण गरिएको छ । त्यस्तै तलाउ निर्माणका लागि ड्याम, शवदाह स्थल, पिसिसी बाटो निर्माण गरिएको छ । नयाँ संरचना निर्माण कार्यले घटालथानको स्वरूप नै परिवर्तन भएको छ । बजेटको अभावमा पूर्ण रूपमा काम नहुँदा योजना अधुरो रहन पुगेको बताइएको छ । गत वर्षसम्म घटालथानमा अढाई करोड रुपियाँ बजेटमा भौतिक पूर्वाधारका संरचना निर्माण गरिएका थिए । एक करोड ४२ लाख रुपियाँको ठेक्का सम्झौता र बाँकी उपभोक्ता समितिमार्फत भौतिक पूर्वाधार निर्माणको काम भएको अमरगढी नगरपालिकाका प्रमुख डिल्लीराज जोशीले जानकारी दिनुभयो ।

ठेक्का सम्झौतामार्फत पहिलो पटक आर्थिक वर्ष २०७५र७६ मा एक करोड ४२ लाख रुपियाँ बराबरको काम गरिएको उहाँले बताउनुभयो । गत वर्ष दुई करोड चार लाख रुपियाँको लागतमा ठेक्का सम्झौतामार्फत भौतिक पूर्वाधार निर्माणको काम गरिएको छ । असारमा निर्माणको काम पूरा गर्ने गरी माया निर्माण सेवाले ड्याम र प्यारापिट निर्माण गर्ने काम गरेको छ । उहाँका अनुसार विश्व बैङ्क सहरी पूर्वाधार विकास कार्यक्रम अन्तर्गतको रकमले घटालथानमा भौतिक पूर्वाधारको काम भएको थियो । तर सो बजेटले योजना अनुसार काम पूर्ण रूपमा हुन सकेको छैन । डोटी खोलामा ड्याम लगाई कृत्रिम ताल बनाएर डुङ्गा सयर गर्ने योजना बनाइएको थियो । उहाँले भन्नुभयो, “केही ठाउँमा वाटर फाउन्टेन बनाई मनमोहक घटाल बनाउने योजना अनुसार पूर्वाधार निर्माणको काम अघि बढाइएको थियो ।”

अधुरा रहेका काम पूरा गर्न सम्बन्धित मन्त्रालयसँग बजेटको माग भइरहेको नगर प्रमुख जोशीले बताउनुभयो । घटालथान मात्रै नभई अमरगढी नगरमा अघि सारेका योजनामा बजेट हाल्न दैनिक जसो मन्त्रालय धाइरहेको उहाँले बताउनुभयो ।

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...