कालिगण्डकी कोरिडोरमा सुविधा सम्पन्न होटल सञ्चालनको तयारी

Published on

काठमाडौं । कालिगण्डकी कोरिडोरमा सुविधा सम्पन्न होटल सञ्चालनको तयारी गरिएको छ । पछिल्ला केही वर्ष यता म्याग्दी र मुस्ताङमा पर्यटक आगमन बढेसँगै कालिगण्डकी कोरिडोरमा ठुलो लगानी गरेर सुविधा सम्पन्न होटल खुल्ने क्रम बढेको छ ।

कोरिडोरमा पर्ने म्याग्दीको सदरमुकाम बेनीसँग जोडिएको पर्वतको जलजला गाउँपालिका वडा नम्बर ३ पर्वत बेनीमा ३० करोड रुपियाँ लगानीमा सुविधा सम्पन्न होटल सञ्चालनको तयारी गरिएको छ । पर्वत बेनीका व्यवसायी कृष्ण केसीले २३ रोपनी क्षेत्रफलमा होटल, गार्डेन, पार्कीङ सुविधा, दुई सय पचास जना क्षमताको पार्टी प्यालेस र स्विमिङ पुलसहितको सुविधा सम्पन्न ४० कोठा भएको होटल सञ्चालनको तयारी गर्नुभएको हो । तीन वर्ष अघि ज्ञान गौरी प्यालेस प्रालिले होटलको पूर्वाधार निर्माण थालेको थियो । पूर्वाधार निर्माण सम्पन्न भएसँगै आगमी वैशाख १ गते नयाँ वर्षदेखि होटल सञ्चालनका लागि तयारी गरिएको प्रालिका सञ्चालक केसीले जानकारी दिनुभयो ।

होटलमा हनिमुन स्विट रुम ३ वटा, मिनि स्विट रुम २ वटा, स्टाण्र्ड रुम १२ वटा र डिलक्स रुम २२ वटा रहेको सञ्चालक केसीले बताउनुभयो । सबै रुमहरुमा एसी जडान गरिएको उहाँको भनाइ छ । होटलमा एक सय जनासम्म पाहुना राख्न सक्ने क्षमता रहेको छ । करिब एक सयभन्दा बढी सवारीसाधन पार्किङ गर्न सकिने गरी पार्किङ स्थल निर्माण गरिएको छ । उहाँले भन्नुभयो, ‘‘पूर्वाधारको सम्पूर्ण कामहरु सकिएको छ । कोठाहरुको व्यवस्थापन, सजावट लगायतका कामहरु सकेर नयाँ वर्षदेखि पाहुनालाई स्वागत गर्ने तयारीमा छौं ।’’ म्याग्दी र मुस्ताङको भ्रमणमा आउने पर्यटकलाई उच्चस्तरीय सेवा दिनका लागि होटल सञ्चालन गर्न लागिएको सञ्चालक केसीले बताउनुभयो ।

पछिल्लो समय मुस्ताङ भ्रमणमा आउने पर्यटकको सङ्ख्यामा वृद्धि भएको र बेनी, बागलुङ र कुस्मामा सुविधा सम्पन्न होटलको सङ्ख्यामा कमी भएका कारण पर्यटकहरु पोखरा पुग्नुपर्ने बाध्यतालाई मध्यनजर गरेर होटल सञ्चालन गर्न लागिएको केसीको भनाइ छ । होटलका निर्माणका लागि पैतृक जग्गामा थप साढे आठ रोपनी जग्गा खरिद गरेको उहाँले बताउनुभयो । होटल सञ्चालमा आएपछि साविक धौलागिरिको पर्यटन प्रवर्द्धनमा टेवा पुग्ने विश्वास गरिएको छ । यो होटल यस क्षेत्रकै सुविधा सम्पन्न होटल हुने सञ्चालक केसीले दाबी गर्नुभयो । सबै प्रकारका पाहुनालाई हामीले सेवा दिन्छौं उहाँले भन्नुभयो, ‘‘मुस्ताङ भ्रमण गर्न आउने नेपाली, भारतीय र अन्य मुलुकका पर्यटकले रोजेको र खोजे अनुसारको सेवा सुविधा प्रदान गर्दछौं ।’’ गोरखापत्र

ताजा समाचार

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...

शव खोज्न सगरमाथातर्फ नेपाली सेना

काठमाडौं । सगरमाथा आरोहणका क्रममा दुर्घटनामा परी बेपत्ता भएका आरोहीका शव खोज्न नेपाली सेनाको...

राष्ट्रिय सभा उपाध्यक्षको निर्वाचन : उम्मेदवारी दर्ता आज

काठमाडौं । राष्ट्रिय सभाको उपाध्यक्ष पदमा चैत २७ गते मङ्गलबार उम्मेदवारीको प्रस्ताव दर्ता हुँदै...