सत्ता समीकरण निर्वाचनसम्म जान्छ महासचिव पोखरेलको भनाई

Published on

काठमाडौं । नेकपा (एमाले)का महासचिव शङ्कर पोखरेलले अहिलेको राजनीतिक समीकरण आगामी निर्वाचनसम्म जाने बताउनुभएको छ। बिहीबारदेखि वीरेन्द्रनगरमा सुरु भएको नेकपा (एमाले) सुर्खेतको नवौं अधिवेशनको उद्घाटन सत्रमा बोल्नुहुँदै उहाँले बदलिएको राजनीतिक समीकरण अनुसार मुलुकमा स्थायित्व सिर्जना गर्नुपर्ने बताउनुभयो।

अस्थिरताको दोषी नेपाली कांग्रेस भएको टिप्पणी गर्नुभयो। वामपन्थी आन्दोलनप्रतिको चिन्ता र सुशासनका प्रश्नमा कांग्रेससँगको गठबन्धन सहज बन्न सकेन भन्ने प्रधानमन्त्रीले आत्मालोचना गरेपछि एमाले सम्बद्ध नयाँ समीकरण बनेको बताउनुभयो। स्वार्थ आधारित गठबन्धन, मोर्चाका कारणले जनताको अभिमत प्रस्ट हुन नसकेको बताउनुभयो। जनताले सर्वाधिक लोकप्रिय बनाए पनि पार्टीले देशको नेतृत्व लिन पाएको छैन। यसर्थ, लोकतन्त्रमा जनताको रोजाइले शासन चलाउन नपाएको स्पष्ट पार्नुभयो।

कर्णाली प्रदेश सरकारको नेतृत्व एमाले नै पाउनुपर्ने बताउनुभयो। अब गठन हुने प्रदेश सरकारमा भागबण्डा हुँदा कर्णालीको नेतृत्व एमाले नै लिनुपर्ने उहाँको भनाइ छ। एमाले सुर्खेतको अधिवेशन बिहीबार सुरु भएको हो। यो अधिवेशनबाट नयाँ कार्यसमितिको चयन हुनेछ। अधिवेशनमा ४९५ जना प्रतिनिधि सहभागी छन्। यीमध्ये सल्लाहकार २५, जनवर्गीय सङ्गठन ४२, आयोजक कमिटी १२७, दलित समावेशी क्लस्टर ६९, अन्य क्लस्टर २३२ प्रतिनिधि रहनुभएको छ। अधिवेशन शनिबारसम्म जारी हुनेछ। गोरखापत्र

ताजा समाचार

छत्तिसगढ भिडन्तमा मारिने नक्सलवादीकाे संख्या १८ नाघ्याे

छत्तीसगढ, ५ बैशाख । छत्तिसगढको कांकेर जिल्लामा सुरक्षा बल र नक्सलवादीबीच भीषण भिडन्त भएको...

आज रामनवमी पर्व मनाइँदै

काठमाडौँ । आज रामनवमी पर्व मनाइँदैछ । हिन्दू धर्मावलम्बीले श्रद्धापूर्वक रामको पूजा गरेर यो...

नयाँ वर्षको पूर्वसन्ध्यामा ठमेलमा ‘सडक महोत्सव’ हुने

काठमाडौं । नेपाली नयाँ वर्ष २०८१ को पूर्वसन्ध्यामा राजधानीको प्रमुख पर्यटकीय गन्तव्य ठमेलमा सडक...

हवाई टिकटमा भ्याट हटाउन माग

काठमाडौं । हवाई टिकटमा लगाइँदै आएको मूल्य अभिवृद्धि कर ९भ्याट० हटाउनुपर्ने निजी क्षेत्रले माग...