काठमाडौं । पाँचथरमा बाँदर धपाउन राखिएको बन्दुक पड्किँदा एक जनाको निधन भएको छ । आइतबार राती हिलीहाङ गाउपालिका ४ सिबुवा निवासी ५१ वर्षीय मनकुमार सिगुको निधन भएको हो ।
बाँदर धपाउन राखिएको बन्दुकको फायरिङ पिनको नाल फुट्दा छर्राले लागेर घाइते हुनुभएका सिगुको उपचारका क्रममा पाँचथर अस्पतालमा निधन भएको पाँचथर प्रहरीका सूचना अधिकारी सुमित कुश्वाहाले जानकारी दिनुभएको छ । उक्त भरुवा बन्दुक नियन्त्रणमा लिइ घट्नाको अनुसन्धान सुरु गरिएको पाँचथर प्रहरीले जानकारी दिएको छ । गोरखापत्र
