काठमाडौं । विभागीय टोली एपिएफ क्लबलले १६औँ संस्करणको सहिद भीमनारायण गोल्डकप फुटबल प्रतियोगितामा विजयी सुरुवात गरेको छ ।
सोमबार बिहान भएको खेलमा एपिएफले मोरङ्गको चारतारे युथ क्लबलाई १–० गोलले हरायो । आइतबार वर्षाले गर्दा खेल मैदान जलमग्न भएपछि रोकिएर सोमबार भएको हो । एपिएफको जितमा बुद्धिमान राईले खेल सुरु भएको पहिलो मिनेटमै गरेको गोल निर्णायक बन्यो । एपिएफका सुमन श्रेष्ठ म्यान अफ दि म्याच हुनुभयो । प्रतियोगिताको दोस्रो खेल सोमबार दिउँसो विभागिय टोली त्रिभुवन आर्मी क्लब र साविक विजेता विर्तामोड युनाइटेड क्लब झापाबिच हुनेछ । जेठ २९ गतेसम्म सञ्चालन हुने प्रतियोगिताको विजेताले पाँच लाख र उपविजेताले दुई लाख ५० हजार रुपियाँ पुरस्कार पाउनेछ । गोरखापत्र