जनकपुरधाममा जानकी नवमीको रौनक

Published on

काठमाडौं । आज वैशाख शुक्ल नवमीको दिन माता सीताको प्राकट्य दिवस जनकपुरधाममा धुमधामका साथ मनाइँदै छ । मिथिलाका राजा जनक र महारानी सुनैनाकी जेठी छोरी माता सीतालाई मानिन्छ । सीतालाई लक्ष्मीको रुप पनि भनिन्छ ।

जानकी प्रकट भएको दिनलाई स्मरण गर्दै यस वर्ष जनकपुरधामको विभिन्न मठ मन्दिरमा धुमधामका साथ जानकी नवमी मनाइँदै छ । यस विशेष अवसरमा जानकी मन्दिर, सुन्दर सदन, पगला बाबाको धर्मशाला, विहार कुण्ड, मधुकर कुण्डलगायतका मन्दिरमा हर्षोल्लासका साथ भजन कीर्तन तथा विशेष कार्यक्रमहरु गरी मनाइँदै छ । जानकी मन्दिरद्वारा सात दिवसीय कार्यक्रम आयोजना गरिएको छ । जसमा मन्दिरको प्राङ्गणमा रामलीला, रासलीला, श्री मानस विभूषित नरहरि दासजीको राम कथाको आयोजना भएको छ । जानकीजीको डोलासहित नगर परिक्रमा पनि गराइएको छ । त्यसैगरी दुधमति नदीमा बिहान शाही स्नान भएको छ, त्यसमा सन्त, महन्थसँगसँगै देश विदेशबाट भक्तजनहरुको सहभागिता थियो । त्यसैगरी १२ बजे आरती महोत्सव गरिने मन्दिरका महन्थ रामतपेश्वर दासले बताउनुभयो ।

अग्नि कुण्डमा रहेको सुन्दर सदन मन्दिरमा जगत जननी जानकीको प्राकट्य अवसरमा श्रीकिशोरीजीको निजी निवास राम चरित्र मानसमा सुन्दर सदन उल्लेख गरिएको छ । त्यसै अन्तर्गत नै यस वर्ष नौ दिवसीय कार्यक्रमको आयोजना गरिएको छ । मन्दिरको आँगनमा रहेको प्रेम सरोवरमा फूलकै बङ्गला निर्माण गरिएर रामचरित्र मानस, जलविहार, श्री जानकी जन्म बधाईलगायतका कार्यक्रमको आयोजना गरिएको छ । साथै फूल बङ्गला भनेर श्री किशोरीजीको जन्म उत्सव मनाइएको सुन्दर सदनका महन्थ नवरकिशोर दासले बताउनुभयो । पगला बाबाले जनकी नवमी महोत्सवको रुपमा मनाइन्छ भने २४ घण्टा सीताराम नाम जप गरिने उहाँको भनाइ छ । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...