विश्वविद्यालय शिक्षा सुधारमा मेरो पहिलो प्राथमिकता शैक्षिक क्यालेण्डर

Published on

सुदूरपश्चिम क्षेत्रको शिक्षा क्षेत्रमा अग्रणी भूमिका खेलेको सुदूरपश्चिम विश्वविद्यालयको स्थापना भएको लामो समय भएको छ । २०६७ सालमा स्थापित गरिएको विश्वविद्यालयमा विभिन्न समयमा विभिन्न किसिमका गतिविधि हुँदै आएका छन् । तर, केही समय अगाडि मात्रै विश्वविद्यालयले नयाँ उपकुलपति पाएको छ । उपकुलपतिका रूपमा विश्वविद्यालयमा आएका हेमराज पन्त डोटी जिल्लाका हुन् । चार वर्षे कार्यकाल बोकेर कञ्चनपुर आएका उपकुलपति पन्तले विश्वविद्यालयको शैक्षिण क्षेत्रमा महत्वपूर्ण उपलब्धी हासिल गर्नको लागि के–कस्ता योजना बनाएका छन् । जसले सुदूरपश्चिम क्षेत्रको समग्र शिक्षा प्रणालीलाई प्रत्यक्ष रुपमा सकारात्मक प्रभाव देखाओस् । यसै विषयमा विश्वविद्यालयले नयाँ उपकुलपति पाएपछि विश्वविद्यालय क्षेत्रमा चालिने नयाँ कदम, आगामी योजना, शैक्षिक स्थिति, पूर्वाधार विकास निर्माण लगायत विभिन्न कुराहरु कस्तो हुने र विश्वविद्यालयका समस्या तथा चुनौती सँगै शैक्षिक गुणस्तरका बारेमा विश्वविद्यालयका उपकुलपति हेमराज पन्तसँग एएनएन नेपालले गरेको कुराकानी ः
१)सर्वप्रथम तपाईलाई बधाई एवम् नविनतम् कार्यकालको शुभकामना । हालसालै नियुक्ति बुझेर आउनु भएको छ । समग्रमा तपाईंको विगतको अनुभव सँगै अब सुदूरपश्चिम विश्वविद्यालयको शिक्षा क्षेत्रलाई कसरी अगाडि बढाउने योजना बनाउनु भएको छ ?
अब विश्वविद्यालय भन्ने वित्तिकै विश्वविद्यालयमा विभिन्न कुरा के हुन्छ भने पठनपाठन र त्यसको क्यालेन्डर । क्यालेन्डर अनुसार कहिले भर्ना लिने कोर्स कहिले सक्ने ,परीक्षा कहिले लिने र परीक्षाको नतिजा कहिले निकाल्ने भन्ने जुन समस्या आएको छ, अहिले हाम्रो देश भरिको विश्वविद्यालयहरुमा । सबै भन्दा पहिले चाहीँ मैले क्यालेन्डर लागु गरेर समयमा भर्ना, समयमा कोर्स सक्ने र समयमा परिक्षा लिएर समयमै परिक्षाको नतिजा प्रकाशन गर्नमा म विशेष पहल गर्नेछु ।
२) नेपालमा विश्वविद्यालयहरू राजनीतिले आक्रान्त छन् । तपाईंको विश्वविद्यालय पनि विगतदेखि विभिन्न समय देखि रहँदै आएको छ । यसप्रति के टिप्पणी गर्न चाहनुहुन्छ ?
हैन विश्वविद्यालयमा राजनीति गर्नु हुन्न भन्ने कुरा चाहीँ होइन, राजनीति गर्नुपर्छ । तर विश्वविद्यालय बनाउने राजनीति गर्नुपर्छ । त्यसैले अब यो सुदूरपश्चिम विश्वविद्यालयमा पनि यदाकदा सुन्ने गरिएको छ । यता त्यस्ता कुरा सुनिने गरेको छ । तर सबै राजनीतिक दल सँग सहकार्य गरेर उहाँहरुलाई विश्वासमा लिएर संस्थालाई अगाडि बढाउने योजना बनाएको छु ।
३) सुदूरपश्चिम विश्वविद्यालयको सम्भावनालाई कसरी चित्रण गर्नुहुन्छ ?
व्यापक सम्भावना छ किनभने हाम्रो सुदुरपश्र्रिम क्षेत्र भरि तपाईको जडिबुटी देखि लिएर यहाँको पर्यटन देखि लिएर, यहाँको कला संस्कृतिमा व्यापक अध्ययन गर्न सकिन्छ । विश्वविद्यालय भनेको ज्ञान बढाउने संस्था सँगै ज्ञानको विकास गर्ने संस्था भएको हुनाले यस्ता ज्ञानको भण्डार भएको ठाउँमा चाहीँ हामी सम्भावना पाउने गर्दछौँ ।
४)विश्वविद्यालयले शैक्षिक क्षेत्रमा पुरानो दिनमा निकै धेरै परिवर्तन गरेको छ ? वास्तवमा विश्वविद्यालयको शैक्षिक परिवर्तन कस्तो किसिमको हुनुपर्छ । यसमा के भन्नुहुन्छ नि ?
विश्वविद्यालय भनेको विश्वविद्यालय शिक्षा भनेको युग सुहाउदो शिक्षा हुनुर्पछ । अहिलेको एक्काइसौँ शताब्दीमा जुन अहिलेका रिर्सचहरु भईरहेको छन् । जुन मार्केटमा जस्तो खाले प्राविधिक मेनपावरको खाचो छ । त्यस्तै अनुसारको चाहिँ पाठ्यपुस्तकहरु पठ्यक्रमहरु बनाएर लागु गर्नुपर्ने देखिन्छ ।
५) विभिन्न मुलुकभरका विश्वविद्यालयहरूबीच सुदूरपश्चिम विश्वविद्यालयले कसरी प्रतिस्पर्धा गर्छ ? यस विश्वविद्यालयमा अन्य विश्वविद्यालयको तुलनामा फरक बनाउनका लागि तपाईं के गर्नु हुँदैछ ?
विश्वविद्यालयको र्याकिङ्ग भन्ने हुन्छ विश्वभर । त्यो भएको हुनाले अहिले यस्तो हेर्दा खेरि हाम्रो विश्वविद्यालय पछाडि परेको अवस्थामा विश्वविद्यालयमा मुख्य गरेर अनुसन्धान र विकास छ । यसमा विशेष फोकस गरिकन पक्कै पनि राष्ट्रिय र अन्तराष्ट्रिय रुपमा यो विश्रविद्यालय अगाडि बढाउने योजना बनाएको छु ।
६)सुदूरपश्चिम विश्वविद्यालयले आङ्गिक क्याम्पस पनि थप्दै गएको अवस्था छ । वास्तवमा आङ्गिक क्याम्पस थप्ने विश्वविद्यालय योजना कस्तो हुन्छ, कस्तो हुनुपर्छ ?
यो क्याम्पस भन्ने वित्तिकै किनभने विश्वविद्यालय भन्ने वित्तिकै व्यापक बनाउनु पर्छ । विद्यार्थी संख्या पनि हुनुपर्छ । किनभने विद्यार्थी संख्या पुगेन भनेदेखि विश्वविद्यालयको स्थर बढ्दैन । त्यो भएको कारणले आङ्गिक क्याम्पसले नै विद्यार्थीको संख्या बढाउने योजना पहिले देखिनै लागु भएको छ यो कुरा चाहीँ निरन्तर रहिरहन्छ ।
७) तपाईंले विश्वविद्यालयमा कस्ता–कस्ता समस्या पाउनुभयो र तीनलाई कसरी सामाधान गर्नुहुन्छ ?
अब समस्या समाधान भन्ने वित्तिकै यहाँको अहिले चाहीँँ जो पूर्वाधार छ त्यो पूर्ण रुपमा पुरा भएको छैन । त्यो सँगसँगै जो यहाँको पाठ्यपुस्तक तथा पाठ्यक्रमहरु छन् । यसलाइ चाहीँ परिमार्जन गरिकन यसलाइ अगाडि बढाउने योजना बनाएको छु ।
८) विश्वविद्यालयलाई उत्कृष्ट प्राज्ञिक केन्द्रका रूपमा विकास गर्नका लागि यस अघिको नेतृत्वले पनि धेरै सकारात्मक कामहरुमा सफलता प्राप्त गरेको थियो । तपाईंको कार्यकालमा यसलाई थप कसरी प्राज्ञिक केन्द्र बनाउने सोचमा हुनुहुन्छ ?
यसमा मुख्य गरेर विदेशी विश्रविद्यालय सँग MOU गर्नुपर्याे । Joint Program हरु संञ्चालन गर्नु पर्याे । जसले गर्दा खेरि चाहीँँ कम खर्चमा नेपालमा नभएका Interdisciplinary कोर्सहरुको चाहीँ अध्यन गर्न सक्यो भने पक्कै पनि विश्वविद्यालयले राम्रो सफलता प्राप्त गर्न सक्छ ।
९) तपाईं सुदूरपश्चिम क्षेत्रबाट हुर्किएर सुदूरको शिक्षाको उच्च क्षेत्रमा पनि हुनुहुन्छ । यसमा के भन्नुहुन्छ ?
मैले विशेष गरेर यहाँको सम्पुर्ण स्थानिय देखि लिएर यहाँको राजनीति दल देखि लिएर सबै सँग सहकार्य गर्ने योजना बनाएको छु । यो सँगसँगै मुख्य गरेर चाहीँँ अनुसन्धानमा विकास फोकस गरिकन अन्र्तराष्ट्रिय विश्वविद्यालय सँग चाहीँ समुन्वय गरेर समग्र विश्वविद्यालयको शिक्षालाई अगाडि बढाउने योजना लिएको छु ।
१०) तपाईंको आगामी योजना के कस्तो छ ?
समग्रमा योजना भन्ने वित्तिकै सबभन्दा पहिलो चाहीँ मैले के गर्छु भनेदेखि तपाईको यो शैक्षिक क्यालेन्डर चाहीँ लागु गर्नेुपर्ने भएको छ । यो शैक्षिक क्यालेन्डर भनेको विश्वविद्यालयमा हेर्न कि तपाइको विदेशी विश्वविद्यालयमा गुडस्टेसन कन्डिसन त्यो भएको हुनाले विश्वविद्यालयमा जहिले पनि के हुन्छ भने देखि मार्च देखि इनटेक लिएर तपाइको जुलाईमा सम्पन्न गर्ने गरिन्छ । त्यस्तै तपाईको अर्काे सेमेस्टर भनेको अगस्ट देखि सुरु भएर फेरि जेनवरीमा सकिन्छ । यो क्यालेन्डर चाहीँ लागु गर्नुपर्ने मेन देखेको छु मैले ।

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...