एउटै घरमा दुइटा कार्यालय

Published on

काठमाडौं । एउटै घरमा दुई वटा सरकारी कार्यालय भाडामा बस्दै आएका छन् । नाम्खा गाउँपालिका–५, नेपाल र चीनको सिमाना हिल्सामा एक व्यक्तिको घरमा दुई वटा कार्यालय भाडामा बस्दै आएका हुन् । यारी नाका भन्सार कार्यालयका प्रमुख रामराज जैसीले एउटा दुईतले भवनमा दुई वटा सरकारी कार्यालय भाडामा बस्दै आएको बताउनुभयो । भाडामा घर पाउन कठिन भएपछि एउटै घरमा कार्यालय स्थापना गर्नु परेको उहाँले बताउनुभयो । यसरी एउटा घरमा भाडामा बस्दै आएका सरकारी कार्यालयमा यारी नाका भन्सार कार्यालय र इलाका प्रहरी कार्यालय हिल्सा छन् । यी कार्यालयमा इलाका प्रहरी कार्यालय विगत १५ वर्षदेखि बस्दै आएको छ भने यारी नाका भन्सार कार्यालय सात वर्षदेखि बस्दै आएको छ ।

उहाँले २०७३ सालमा हिल्सामा आफ्नो कार्यालय स्थापना भएको र चार वटा कोठा भाडामा लिएर मासिक २२ हजार रुपियाँ भाडा तिर्दै आएको बताउनुभयो । इलाका प्रहरी कार्यालयले पनि चार वटै कोठा भाडामा लिएर स्थापनादेखि नै भाडामा बस्दै आएको छ । प्रहरीले भने मासिक पाँच हजार ८१४ रुपियाँ भाडा तिर्दै आएको छ । दुवै कार्यालयले एउटै घरलाई छुट्टाछुट्टै कोठा भाडामा लिएपछि भाडादर भने फरक रहेको छ । दुई वटा कार्यालयसंगै भएका कारण काम गर्न भने कठिन हुने गरेको अनुभव प्रमुख जैसीले सुनाउनुभयो । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...