सहिदमार्ग बेवास्तामा न ट्र्याक न स्तरोन्नति

Published on

काठमाडौं । दाङदेखि रोल्पा हुँदै रुकुमपूर्व भएर डोल्पा जोड्ने सहिदमार्ग अन्तर्गतको रुकुमपूर्व खण्डको निर्माणको काममा बेवास्ता गरिएको छ । दाङदेखि रोल्पाको केही भागमा कालोपत्रे भइसक्दा रोल्पाको केही भागदेखि रुकुमपूर्व खण्डको सहिदमार्ग बेवास्ताकै कारण अलपत्र परेको हो । दाङदेखि रोल्पा हुँदै रुकुमपूर्वसम्म २२० किलोमिटर लामो यो सडक रुकुमपूर्वमा मात्र ७७ किलोमिटर पर्दछ । भुमे गाउँपालिका–७ हुँदै भुमे–२, काँक्री भएर जिल्लाकै पुथा उत्तरगङ्गा गाउँपालिका–२ सम्म ७७ किलोमिटरमध्ये हाल ६१ किलोमिटर ट्र्याक खोलिएको छ भने १६ किलोमिटर ट्र्याक खोल्न बाँकी रहेको छ । हाल पुथा उत्तरगङ्गा–१, मैकोटसम्म ट्र्याक खोलिएको छ । पुथा उत्तरगङ्गा गाउँपालिकाका अध्यक्ष पुनिराज घर्तीमगरले राष्ट्रिय गौरवकै आयोजनाका रूपमा रहेको एक महत्वपूर्ण सहिदमार्गलाई सङ्घीय सरकारले बेवास्ता गरेको बताउनुभयो । विगतको आर्थिक वर्षमा ठेकेदारकै कारण सडक अलपत्र परेको अध्यक्ष घर्तीमगरले बताउनुभयो ।

विगतमा ठेकेदारले काम गर्न नसकेपछि चालु आवमा सङ्घीय सरकारले ट्र्याक खोल्नका लागि बजेट विनियोजन नगरेको अध्यक्ष घर्तीमगरको भनाइ रहेको छ । विगतका वर्षमा ठेकेदारले सडक अलपत्र पारेपछि चालु आवमा सङ्घ सरकारले बेवास्ता गरेको अध्यक्ष घर्तीमगरको भनाइ छ । पुथा उत्तरगङ्गा–१०, तकका श्याम बुढामगरले राष्ट्रिय गौरवका आयोजनाप्रति नै सरकारको बेवास्ता हुनु दुःखद कुरा भएको बताउनुभयो । चौतर्फी विकास निर्माणलाई सहयोग गर्ने सडक नै बेवास्तामा परेपछि जिल्लावासीलाई सास्ती खेपिरहनु परेको बुढामगरले दुःखेसो पोख्नुभयो । ट्र्याक नखोलेको वडामा त झन् सर्वसाधारणलाई दुःख नै दुःख छ तर ट्र्याक खोलिएको वडामा सडक स्तरोन्नति नहुँदा उस्तै सास्ती बेहोरिरहनु परेको स्थानीयको भनाइ रहेको छ । लुम्बिनी प्रदेशको एक मात्र हिमाली जिल्लालाई पहाड अनि तराईसँग जोड्ने सहिदमार्ग निर्माण सुरु भएको १६ वर्ष पुगे पनि अझै पूर्णता पाउन सकेको छैन । माओवादीले सशस्त्र सङ्घर्ष थालेको रुकुम र रोल्पालाई गौतम बुद्धको जन्मस्थल लुम्बिनीसँग जोड्ने यो एउटा महत्वपूर्ण मार्ग हो ।

सहिदमार्ग सडक योजना कार्यालय रोल्पाका प्रमुख नेत्र देवकोटाले विगतका वर्षमा ठेकेदारको लापर्बाहीले गर्दा सडक निर्माणले पूर्णता पाउन नसकेको बताउनुभयो । विगत आठ÷नौ वर्षदेखि ठेकेदारकै लापर्बाहीले सडक निर्माण हुन नसकेको प्रमुख देवकोटाले जानकारी दिनुभयो । विगतका निर्माण व्यवसायीले काम गर्न नसकेपछि ठेक्का तोडेर नयाँ डिपिआर गर्न बाध्य भएको प्रमुख देवकोटाको भनाइ छ । देवकोटाले भन्नुभयो, “चालु आवमा निर्माणको काम रोकियो । ठेक्का तोडेर नयाँ ठेक्का आह्वानका लागि नयाँ डिपिआर र वातावरणीय प्रभाव मूल्याङ्कनको काम गरिएको छ ।” आगामी आवमा सरकारले बजेट विनियोजन गरेमा नयाँ ठेक्कामार्फत काम सुरु गरिने देवकोटाले जानकारी दिनुभयो । गोरखापत्र

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...