क्षयरोगका १७४ नयाँ बिरामी भेटिए

Published on

काठमाडौं । बाँकेको कोहलपुर नगरपालिकालाई क्षयरोगमुक्त पालिका बनाउने अभियानले गति लिइरहेकै समयमा कोहलपुरमा १७४ जना क्षयरोगका नयाँ बिरामी फेला परेका छन् । नगरपालिकाका अनुसार कोहलपुरमा उपचार पूरा गर्ने दर ९४.९ प्रतिशत छ भने नयाँ बिरामी पत्ता लगाउने दर प्रति लाखमा १६३ जना पाइएको र मृत्युदर भने १.९ छ ।

कोहलपुर नगरपालिका क्षयरोग मुक्त अभियानका फोकल पर्सन प्रेम पाण्डेका अनुसार चालु आर्थिक वर्षमा फेला परेका नयाँ क्षयरोगीमध्ये कतिपय नियमित औषधी सेवन गरिरहेका छन् । तीमध्ये एक जनालाई नेपालगन्ज टीबी अस्पतालमा उपचारका लागि भर्ना गरिएको छ भने २२ जना बिरामीलाई नियमित पोषण सामग्री वितरणको काम भइरहेको छ । उनीहरुलाई ६ महिनासम्म पोषण सामाग्री वितरण गर्ने कार्यक्रम छ । निम्न आयस्तर भएका, गरिब, विपन्न तथा अशक्तहरुलाई उनीहरुको पोषणमा सुधार ल्याउन पोषण सामग्री वितरण गर्ने गरिएको फोकल पर्सन पाण्डेले बताउनुभयो । क्षयरोग संक्रमण पुष्टि भएकाहरु नियमित औषधी सेवन गरिहेको कोहलपुर नगरपालिकाले जनाएको छ । सरकारले २०५० सम्म नेपालमा क्षयरोग अन्त्यको लक्ष्य राखेर विभिन्न कार्यक्रम सञ्चालन गरिरहेको छ । सोही बमोजिम कोहलपुर नगरपालिकाले पनि क्षयरोग अन्त्यका लागि जनचेतना, प्रारम्भिक जाँच र व्यवस्थापनका कार्यक्रमलाई प्राथमिकता दिएर अभियान चलाइरहेको कोहलपुरका मेयर पुर्ण प्रसाद आचार्यले बताउनुभयो ।

कोहलपुरका पन्ध्रै वटा वडामा डट्स सेन्टर रहेको जनाउँदै मेयर आचार्यले वडामा टीबी सङ्क्रमण पुष्टि भएका बिरामीहरुले वडामै रहेका डट्स केन्द्रबाट नियमित औषधी सेवन गरिरहेको बताउनुभयो । उहाँका अनुसार कोहलपुर नगरपालिकामा टीबी पहिचानका लागि प्रत्येक वडामा टीबी स्वयंसेवक परिचालन गरिएको छ । उनीहरुले घरघरमा पुगेर टीबीका बिरामीहरु खोज्ने गर्छन् । शङ्कास्पद लक्षण चिन्ह देखिएका बिरामीको खकार चेकजाँचका लागि नेपालगन्ज मेडिकल कलेज, भेरी अस्पताल तथा टीबी अस्पताल पठाउने गरेको कोहलपुर नगरपालिका क्षयरोग मुक्त अभियानका संयोजक रमेश भण्डारीले बताउनुभयो । उहाँका अनुसार क्षयरोग अन्त्यका लागि कोहलपुर नगरपालिकाले वडास्तरमा सुरक्षा योजना निर्माण तथा प्रगति समीक्षा बैठक गर्ने, नगर प्रमुखको संयोजकत्वमा पालिका स्तरीय र वडाध्यक्षको संयोजकत्वमा वडास्तरी समिति गठन गरिएको छ । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...