काठमाडौं । नेपाली कांग्रेसका नवनिर्वाचित सभापति गगनकुमार थापाले पद तथा गोपनीयताको शपथ ग्रहण गर्नुभएको छ।
पार्टीको केन्द्रीय कार्यालय सानेपामा आयोजित कार्यक्रममा थापाले सभापति पदको पद तथा गोपनीयताको शपथ लिनुभएको हो।
शपथ ग्रहणपछि थापाले केहीबेरमा पार्टी कार्यालयमा पदबहाली गर्ने कार्यक्रम रहेको छ।
नेपाली कांग्रेसको १५औँ महाधिवेशनअन्तर्गत शुक्रबार दिउँसो सम्पन्न मतगणनाबाट थापा सभापति पदमा निर्वाचित हुनुभएको थियो। उहाँले आफ्ना प्रतिस्पर्धी श्यामकृष्ण खड्गीलाई पराजित गर्दै पार्टीको नेतृत्व सम्हाल्नुभएको हो।
सभापतिमा निर्वाचित भएसँगै थापाले नेपाली कांग्रेसको आगामी राजनीतिक दिशा, सङ्गठन सुदृढीकरण तथा पार्टीको भावी कार्ययोजनालाई अघि बढाउने जिम्मेवारी पाउनुभएको छ।
