काठमाडौं । कैलालीको कैलारी गाउँपालिकाले थारू समुदायको अट्वारी पर्वको अवसरमा दुई दिन बिदा दिने निर्णय गरेको छ । सो पालिकाले भदौ २३ र २४ गते गरी दुई दिन सार्वजनिक बिदा दिने निर्णय गरेको हो । यहाँका थारु समुदायले दुई दिन अट्वारी पर्व मनाउने गरेका छन् । अट्वारी पर्वको अवसरमा प्रदेश सरकारले २३ गते सार्वजनिक बिदा दिएका कारण कार्यपालिकाको बैठकले २४ गते थप एक दिन बिदा दिने निर्णय गरेको प्रमुख प्रशासकीय अधिकृत खगेन्द्र जोशीले बताउनुभयो ।
सम्पूर्ण सरकारी कार्यालय, विद्यालय, बैंक तथा वित्तीय संस्थामा बिदा दिइएको गाउँपालिकाको कार्यालयले जानकारी दिएको छ । पश्चिम तराईबासी थारू समुदायका मानिसले धुमधामका साथ अट्वारी पर्व मनाउँदै आएका छन् । यस पर्वमा थारू पुरुषले व्रत बस्ने गर्छन् । गोरखापत्र