काठमाण्डौँ । रवि लामिछानेलाई प्रहरी हिरासतमा राखेर म्याद थपका लागि आज आइतबार कास्की जिल्ला अदालतमा उपस्थित गराइएको छ । लामिछानेलाई म्याद थप गर्न लागेको यो चौथो पटक हो । न्यायाधीश नवराज दाहालको इजलासमा रविको मुद्दा रहेको छ । पोखरा सूर्यदर्शन सहकारीको रकम गोरखा मिडियामा लगी अपचलन गरेको आरोपमा कार्तिक २ गते पक्राउ परेका रविलाई कार्तिक १४ गतेबाट लागू हुने गरी १० दिनको म्याद थप कार्तिक २० गते गरिएको थियो । पहिलो पटक ६ दिनको, दोस्रो पटक ७ दिनको म्याद थप लामिछानेलाई गरिएको थियो । पोखराको सूर्यदर्शन सहकारी ठगी प्रकरणमा गोरखा मिडिया नेटवर्कका पूर्व प्रबन्ध निर्देशक रविसहित पूर्व उपाध्यक्ष छविलाल जोशी, कर्मचारी गीता पछाईं र नेचर हब्र्सका सञ्चालक रामबहादुर खनाललाई म्याद थपका लागि अदालत लगिएको छ । उनीहरु विरुद्ध सहकारी ठगी, सङ्गठित अपराध, र सम्पत्ति शुद्धिकरणको अभियोेगमा अनुसन्धान जारी छ ।
