काठमाडौँ । डिएचएल कार्गो विमान दुर्घटना हुँदा एक जनाले ज्यान गुमाएका छन् । उक्त विमान जर्मनीबाट लिथुआनिया उडेको थियो । सोमबार राजधानी भिल्नियसको विमानस्थल नजिकै विमान दुर्घटना भएको हो । भिल्नियसको विमानस्थलमा अवतरण गर्ने क्रममा केही दूरी टाढै विमान दुर्घटना भएको हो । चालक मध्ये एक जनाको ज्यान गएको त्यहाँका अग्नि नियन्त्रक तथा आपत्कालीन सेवा इकाईका प्रमुखले बताएका छन् । उहाँका अनुसार दुर्घटनाका बेला एक घरमा आगो पनि लागेको थियो । राष्ट्रिय सङ्कट व्यवस्थापन केन्द्रका प्रमुख विल्मान्टास भिटकाउस्कसले उक्त घरभित्र रहेका सबै सदस्यहरुको उद्धार गरिएको बताउनुभएको छ । डिएचएलका अधिकारी आउसरा रुटकाउस्किनले दुर्घटनाग्रस्त विमान आफ्नै कम्पनीको रहेको पुष्टि गर्नुभएको छ । रासस/एएफपी