काठमाडौं । अविरल वर्षाका कारण काठमाडौंको बल्खुस्थित तरकारी बजार डुबानमा परेको छ। वाग्मती नदीको पानी बजारमा पस्दा हिलो र लेदो जमेको छ।
डुबानपछि बजारको अधिकांश भाग प्रभावित भए पनि केही भागमा अहिले व्यापार भइरहेको छ। डुबानको असर हटाउन सरसफाइ कार्य जारी छ र बजार पुनः सञ्चालनमा ल्याउने तयारी भइरहेको व्यापारीहरूले बताएका छन्।
बल्खु तरकारी बजार हरेक वर्ष बाढीले डुबानमा पर्ने गरेको छ।
